ab aye mere ehsaas e junoon kia mujhe dena
deriyaa use bakhsha hai tou sehraa mujhe dena
tum apna makaan jab kero taqseem tou yaaro!
girti hui deewar ka saya mujhe dena
jab waqt ki murjhayi hui shaakh sanbhalo
us shaakh se toota hua lamha mujhe dena
deriyaa use bakhsha hai tou sehraa mujhe dena
tum apna makaan jab kero taqseem tou yaaro!
girti hui deewar ka saya mujhe dena
jab waqt ki murjhayi hui shaakh sanbhalo
us shaakh se toota hua lamha mujhe dena
tum mera badan ourh k phirte raho lekin
mumkin ho tou ik din mera chehraa mujhe dena
mumkin ho tou ik din mera chehraa mujhe dena
choo jaye hawa jis se tou khushboo teri aaye
jaate hue ik zakhm tou aisa mujhe dena
jaate hue ik zakhm tou aisa mujhe dena
shab bhar ki musaafat hai gawaahi ki talabgaar
aye subh e safer apna sitaara mujhe dena
aye subh e safer apna sitaara mujhe dena
ik dard ka mela k laga hai dil o jaan main
ik rooh ki awaaz k rasta mujhe dena
ik rooh ki awaaz k rasta mujhe dena
ik taaza ghazal izn e sukhan maang rahi hai
tum apna mehakta hua lehjaa mujhe dena
tum apna mehakta hua lehjaa mujhe dena
wo mujh se kahin barh k museebat main tha *Muhsin
reh reh k mager us ka dilaasa mujhe dena
reh reh k mager us ka dilaasa mujhe dena