sab log liye sang-e-malamat nikal aye
kis shahar main ham ahal-e-muhabbat nikal aye
kis shahar main ham ahal-e-muhabbat nikal aye
ab dil ki tamanna hai to ai kash yahi ho
ansu ki jagah ankh se hasrat nikal aye
ansu ki jagah ankh se hasrat nikal aye
har ghar ka diya gul na karo tum k na jane
kis bam se khurshid-e-qayamat nikal aye
kis bam se khurshid-e-qayamat nikal aye
jo darpa-e-pindar hain un qatlgahon se
jan dek bhi samjho k salamat nikal aye
jan dek bhi samjho k salamat nikal aye
ai hamnafaso kuch to kaho ahad-e-sitam ki
ik harf se mumkin hai hikayat nikal aye
ik harf se mumkin hai hikayat nikal aye
yaro mujhe maslub karo tum k mere bad
shayad k tumhara qad-o-qamat nikal aye
shayad k tumhara qad-o-qamat nikal aye
