sholaa thaa jal-bujhaa hon havaayain mujhe na do
main kab kaa jaa chukaa hon sadaayain mujhe na do
main kab kaa jaa chukaa hon sadaayain mujhe na do
jo zahar pii chukaa hon tumhiin ne mujhe diyaa
ab tum to zindagii kii duaayain mujhe na do
ab tum to zindagii kii duaayain mujhe na do
aisaa kahiin na ho ke palaTakar na aa sakon
har baar duur jaa ke sadaayain mujhe na do
har baar duur jaa ke sadaayain mujhe na do
kab mujh ko aiteraaf-e-muhabbat na thaa 'Faraaz'
kab main ne ye kahaa thaa sazaayain mujhe na do
kab main ne ye kahaa thaa sazaayain mujhe na do
