Andhero se bhare mere is kone mein, gham ki raat ka josh hai,
Subah ki daleel deti ek shama hai, so khamosh hai.
Na milan ki khush-khabri hai, Na us khoobsurat chehre ko dekh paane ka mauka,
Aisa lagta hai ke ek arse se ab toh apni aankhon aur kaano se bhi dosti na rahi.
Sharab ne apne asal wajood se saamna kara diya, jo khush-fehmi khud ko lekar dil mein thi nashe mein door ho gayi,
Aey shauq kya ab hosh mein vaapis aane ki ijazat hai?
Ek zewar ko apni mashooq ki gardan mein dekhne ki aaj khwahish hai,
Kya oonchaiyon par aaj koi sitaron se bana zewar bik raha hai?
Deedar, wada, hausla, saaqi, sharab se behki nigahen,
Aaj toh khyaalon ki mehfil mein bhi bas khamoshi hai.
Dil ki bisaat par aane wali nayi khwaishon,
Khabardaar agar jo tumhein peene pilane ka koi hawaas hai.
Mujhe tab dekho jab tumhein dekhne ka saleeka aata ho,
Meri suno agar sunkar naseehat par amal karna aata ho.
Saaqi agar jalwa dikhaye toh imaan aur akal ka dushman hai,
Gaane wala agar jo apni pe aaye toh hosh-e-hawas ka dushman hai.
Raat ko aksar aise khwaab aate hai jaise mere chaaro taraf,
Ya toh baghbaan ka daman ya phool bechne waale ke haath hai.
Saaqi ka dheere dheere pilana aur lute ki dheemi dheemi aawaz,
Pehli nigah ke liye jannat hai aur doosri kaano ke liye
Subah jo agar himmat ho toh mehfil mein aakar dekhiye,
Na suroor, na nasha, na koi shor aur na hi koi josh hai.
Milan ki raat mein judaai ke daag se jali hui,
Ek shama reh gayi hai vo bhi khamosh hai
Ghaib se kabhi kabhi aise khyaal dil mein aate hain,
Ghalib kalam ke ghisne ki aawaz toh khud farishton ki aawaz hai.