ham se dard ka shikvaa karte, ham ko zakhm dikhaate ho?

[Ar!yaN]

Sunte haiN phir chhup chhup unke ghar meiN aate jaate ho
Insha saahab naahaq ji ko vahshat meiN uljhaate ho.


dil ki baat chhupaani mushkil,lekin Khub chhupaate ho
ban meiN daanaa, sha’hr ke andar divane kehlaate ho.


bekal bekal rahte ho, par mehfil ke aadaab ke saath
aaNkh churaa kar dekh bhi lete ho, bhole bhi ban jaate ho.


peet meiN aise laakh jatan haiN, lekin ek din sab nakaam
aap jahaan meiN rusvaa hoge, vaaz hameiN farmaate ho.


ham se naam junuN kaa qaayam, ham se dasht ki aabaadi
ham se dard ka shikvaa karte, ham ko zakhm dikhaate ho?

 

[nrbhayo]

nice jee..

 

[yoursks]

aaNkh churaa kar dekh bhi lete ho, bhole bhi ban jaate ho

nice collection..
thanks for sharing..