Mataa-e-Kausar o ZamZam k paimaane, teri aankhein
Farishton ko bana deti hain deewaane, teri aankhein
Jahaan-e-rang o bu uljha hua hai in k ddoron mein
Lagi hian kaakul-e-taqdeer suljhaane, teri aankhein
Ishaaron se dilon ko cheirr kar iqraar karti hain
Utthaati hain bahaar-e-nau k nazraane, teri aankhein
Wo deewaane zamaam-e-laala o gul thaam lete hain
Jinhein mansoob kar deti hain veeraane, teri aankhein
Shagoofon ko sharaaron ka machalta roop deti hain
Haqeeqat ko bana deti hain afsaane, teri aankhein
