Ishq mujhako nahi vehshat hi sahi

[melancholy girl]

Ishq mujhako nahi vehshat hi sahi
Meri vehashat teri shoharat hi sahi ​

Qataa kiije na ta-alluq ham se
kuch nahi hai to adaavat hi sahi ​

Mere hone mein hai kyaa rusvaai
Ye vo majalis nahi Khalvat hi sahi ​

Ham bhi dushman to nahi hain apney
Gair ko tujh se mohabbat hi sahi ​

Apni hasti hi se ho jo kuchh ho
Aaghi gar nahi Guflut hi sahi ​

Umr har chund kay hai barq-e-Khiraam
Dil ke Khoon karney ki surat hi sahi ​

Ham koi tarq-e-vafaa kartey hain
Na sahi ishq musibat hi sahi ​

Kuch to dey ai falak-e-na insaaf
Aah-o-faryaad ki rukhsat hi sahi ​

Ham bhi tasleem ki Khou Daaleinge
Be-niyaazi teri aadat hi sahi ​

Yaar se chherr chali jaaye "Asad"
Gar nahi vasl to hasarat hi sahi​

 

[mayoo007]

superb shairi

 

[nrbhayo]

nice...