Mere bhai aap ne jo baat ki hai usay zara saabit to karain k Dare Hussain aik afzal muqaam hai aur wahan par Allah ko sajda karne ka ajar bohot ziyada hai yeh plz meri aap se guzarish hai yeh batain k yeh jo baat apne ki hai yeh Quran shareef ki konsi ayat mai hai yaa phir konsi hadeese Rasool SAWW mai hai taakay hame bhi to pata chale !!
UN ka Muqaam kiya hy is ka andaza ap in ahadees sy lga sakty hain........Baqi jo banda hud hi hidayat na laina chahy tu ALLAH b us ko hidayat nhi deta............. tu fir hum kiya cheez hain....
AHADEES-E-MUBARIKAH
1. Hussain a.s., mujh say hain or main Hussain a.s., say hoo'n. (Tibrani, Behaqi, Ibn-e-Asakar).
2. Hussain a.s., mairay lakht-e-jigar hain or mairi dukhtar-e-naik akhtar kay noor-e-nazar hain (Tirmizi, Ibn-e-Majah) Yaad rahay keh Rasool Allah Shairi naheen kartay (Hawala Soorah Yaseen, Al-Quran).
3. Hussain a.s. ka dost maira dost or un ka dushman maira dushman hay. (Ahmad, Ibn-e-Majah, Hakim).
4. Hussain a.s., jawanan-e-jannat kay sardar hain. (Tibrani, Bokhari, Nisaa'ee).
5. Hasnain a.s., mairay sibtain hain. (Bokhari, Tirmizi, Ibn-e-Majah, Hakim).
6. Khudawand! Hussain a.s., kay dost ko dost or un kay dushman ko dushman rakh. (Tirmizi, Hakim).
7. Mohibb-e-Hussain a.s., maira mehboob hay, maira mehboob khuda ka mehboob hay or khuda apnay mehboob ko bahisht daita hay. (Tirmizi, Ibn-e-Asakir).
8. Khudawand! yeh dono'n (Hassan-o-Hussain a.s.) mairay piyaray hai'n, too bhi inhai'n piyar kar, in kay dost ko dost or dushman ko dushman rakh. (Tirmizi, Tibrani, Ibn-e-shaibah).
9. Dushman-e-Hasnain a.s., ko main dushman rakhta hoo'n. Main jis ko dushman rakhoo'n, Khuda us ka dushman hay or us ko Khuda wasil-e-jahannum karta hay. (Tibrani, Hakim, Abu-Naeem).
10. Hasnain a.s., zeenat-e-bakhsh-e-jahaa'n hain. (Tibrani, Khateeb, Ibn-e-Asakir).
11. Hasnain (Hassan-o-Hussain a.s.) arsh kay 2 goshwaray hain. (Tibrani).
12. Mehboob tareen Ahl-e-Bait a.s., mairay Hasnain a.s., hain. (Tirmizi)
13. Mehboob-e-Kir'dagar s.a.w.a.w., nay Ali a.s., Fatima s.a., or Hasnain a.s., say farmaya "Tum say jo laray ga, us say main laroo'n ga, jo tumhara dost ho ga us ko main dost rakhoo'n ga. (Tibrani, Tirmizi, Ibn-e-Majah, Ibn-e-Asakir).
14. Ham Olad-e-Abdul Muttalib Sardaran-e-Ahl-e-Jannat Hain. (Hamza a.s., Ali a.s., Jafar a.s., Hassan a.s., Hussain a.s. or Mehdi a.s.). (Ibn-e-Majah, Hakim).
15. Main, Ali a.s., Fatimah s.a., or Hasnain, Hazeera-e-Qudus main ho'n gay. Jis ki chhatt arsh-e-rahan ho ga. Behtreen zakoor Ali a.s., Behtreen anaas Fatima s.a. or behtreen jawaan Hasnain a.s., hai'n. (Khateeb, Ibn-e-Asakir).
16. Ham Ahl-e-Bait a.s., say jis nay dushmani ki woh jahannumi hay. (Hakim).
17. Jis nay mairay Ahl-e-Bait a.s., ko dost rakha, woh darja-e-jannat mai'n mairay hamraah ho ga. (Tibrani).
18. Jis nay mairay Ahl-e-Bait ko azziat di us nay Khuda ko azziat di. (Abu Naeem).
19. Sab say pehlay jannat main dakhil honay walo'n main Ali a.s., Fatima s.a., Hassan a.s., or Hussain a.s., hain or hamaray mohibb hamaray uqab main hain. (Hakim).
20. Aan'Hazrat s.a.w.a.w., Hasnain a.s., ko daikh kar farmaya kartay thay keh baita tum woh ho jis par say main nay Ibrahim ko nisar kia hay. (Kifayatul kalbi, Ghayyatussawal).
21. Jis nay ham Ahl-e-Bait say dushmani ki or hassad kia woh Hoz-e-Kousar say aa'tishi korro'n say hank diya jaey ga. (Ibn-e-Asakir).
22. Hasnain a.s., or un ki olad ki taazeem kay liay uththa karo. (Ibn-e-Asakir)......