Khuda wo waqt na laye ..!

  • Work-from-home

mashraki.larka

Super Star
Jun 23, 2010
10,598
4,907
713
34
KHUDA KI BASTI


Khuda wo waqt na laye ke soghwar ho tu
sukun ki neend tujhe bhi haram ho jaye
teri masarrat-e-paiham tamam ho jaye
teri hayat tujhe talkh jaam ho jaye


Ghamon se aina-e-dil gudaz ho tera
Hujoom-e-yas se betab ho ke rah jaye
wafoor-e-dard se seemab ho ke rah jaye
tera shabab faqat khwab ho ke rah jaye

Ghuroor-e-husn sarapa niyaz ho tera
taweel raton main tu bhi qarar ko tarse
teri nigah kisi ghamgusar ko tarae
khizan rasida tamanna bahar ko tarse

Koi jabin na tere sang-e-aastan pe jhuke
ke jins-e-ijz-o-aqidat se tujh ko shaad kare
fareb-e-wada-e-farda pe aetamad kare
Khuda wo waqt na laye ke tujh ko yaad aye

Wo dil ke tere liye be-qarar ab bhi hai
wo ankh jis ko tera intazar ab bhi hai

 
Top