Main hoon tera khayal hai aur chand rat hai

[Lightman]

Main hoon tera khayal hai aur chand rat hai
dil durd se nidhaal hai aur chand rat hai


aankhon main chubh gaien tery yaadon ki kirchian
kandhon pe gham ki shaal hai aur chand rat hai


dil torde ke khamosh nazaron ko kiya mila
shabnam ka yeah sawal hai aur chand rat hai


phir titliyan si urdnay lagien dasht-e-khuwaab main
phir khuwahish-e-wisaal hai aur chand rat hai


campus ki nehar per hai teray hath hath main
mausam bhi lazawal hai aur chand rat hai


her aik kali ne aurh liya matami libas
her phool per malal hai aur chand rat hai


mery to por por main khushi C bas gayi
us per tera khayal hai aur chand rat hai


chalka sa par raha hai “wasi” wehshatoon ka ran
her cheez pe zawwal hai aur chand rat hai…


​

 

[**King**]

Nice sharing

 

[goodfrndz]

bohat bohat zbrdast

~~~shukriya~~~

hamarey saath share krney k liye. . . . .


umeed krtey hain k aap aisay hi hamrey saath share krte rahain gey . . .. . InshaAllah

 

[nrbhayo]

umda..