Nazam Shayari Mera Intikhab ~chaya~

[Aks_]

Aye Watan Ke Sajeelay Jawano,
Mere Naghme Tumhare Liye Hain…!

Sarfaroshi Hai Emaan Tumhara,,
Jurraton Ke Parastar Ho Tum…

Jo Hifazat Karain Sarhadon Ki,
Wo Falak Bos Deewar Ho Tum…

Aye Shujaat Ke Zinda Nishano,
Mere Naghme Tumhare Liye Hain…

Biwiyon, Maaon, Behnon Ki Nazrain,
Tum Ko Dekhain To Yun Jagmagain…

Jese Khamoshiyon Ki Zabani,
De Rahi Hon Wo Tum Ko Dua’an…

Qaum Ke Aye Jarri Paasdano,
Mere Naghme Tumhare Liye Hain…

Tum Pe Jo Kuch Likha Hai Shairoon Ne,
Us Mein Shamil Hai Aawaz Meri…

Ur Ke Pohncho Ke Tum Jis Ufaq Par,
Sath Jaye Gi Parwaaz Meri….

Chand Taroon Ke Aye Raazdanon,
Mere Naghme Tumhare Liye Hain…

 

[Aks_]

Aye Rah-E-Haq Ke Shaheedo, Wafa Ki Tasveero
Tumhein Watan Ki Hawain Salam Kehti Hain
Shaheed = Martyr;
Lagane Aag Jo Aaye The Aashiyane Ko
Wo Sholey Apne Laho Se Bhuja Diye Tum Ne
Sholey = Flames; Laho = Blood;
Bacha Liya Hai Yateemi Se Kitne Phoolon Ko,
Suhaag Kitni Baharon Ke Rakh Liye Tum Ne…
Tumhein Watan Ki Hawain Salam Kehti Hain…
Yateemi = Orphan; Suhaag = Wedding;
Chale Jo Ho ge Shahadat Ka Jaam Pee Ke Tum,
Rasool-E-Paak (P.B.U.M) Ne Bahoon Me Le Liya Ho Ga…
Jaam = Drink; Bahoon = Arms;
Ali (R.A) Tumhari Shahadat Pe Choomte Hon Ge
Husain (R.A) Paak Ne Irshaad Ye Kia Ho Ga….
Tumhein Khuda Ki Razaain Salam Kehti Hain…
Razaain = Pleasures;
Janab-E-Fatima (R.A) Jigar-E-Rasool (P.B.U.H) Ke Aage,
Shaheed Ho Ke Kia Maan Ko Surkhuru Tum Ne…
Maan = Mother; Surkhuru = Succeed
Janab-E-Hazrat Zenab (R.A) Gawahi Deti Hain
Shaheedo! Rakhi Hai Behnon Ki Aabroo Tum Ne
Watan Ki Betiyaan, Maain Salam Kehti Hain…
Gawahi = Testify; Aabroo = Honor;
Aye Rah-E-Haq Ke Shaheedo, Wafa Ki Tasveero,
Tumhein Watan Ki Hawain Salam Kehti Hain…

 

[Aks_]

Ye Barish Khoobsorat Hai,
Ik Arsy Baad,
Meri Rooh Mein
Seraab Hone Ki Tamanna Jag Uthi,
Mager Badal Ke Raste Mein
Bohat Pair Aate Hain,
Mein Pal Bhar Ke Liye Sadaab Hoon,
Aur Apni Baqi Umer,
Phir Sehraon Mein Katoon?
Mein Apni Piyaas Par Razi Rahon Gi,
Mere Aansu Meri Kafalat Ke Liye Kafi Rahein Ge…

 

[Aks_]

Raat Ka Pichla Pehar Hai,
Matmi Malboos Orhey,
Dard Ki In Wadiyon Se,
Wehshaton Ke Raste Se,
Larkharati, Dagmagati,
Baal Khole, Bain Karti,
Chandni Ko Saath Ley Kar,
Meri Janib Chal Pari Hai,
Aa Rahi Hai…..
”Teri Yaad”

 

[Aks_]

Mujhe Ab Dar Nahi Lagta
Kisi Ke Door Jane Se,
Taluq Toot Jane Se,
Kisi Ke Maan Jane Se,
Kisi Ke Rooth Jane Se,

Mujhe Ab Dar Nahi Lagta!
Kisi Ko Aazmane Se,
Kisi Ke Aazmane Se.
Kisi Ko Yaad Karne Se.
Kisi Ko Bhool Jane Se,

Mujhe Ab Dar Nahi Lagta
Kisi Ko Chor Dene Se,
Kisi Ke Chor Jane Se.
Na Samaa Jalane Se,
Na Sama Bujhane Se,

Mujhe Ab Dar Nahi Lagta
Akele Muskurane Se
Kabhi Aansu Bahane Se
Na Is Sare Zamane Se
Haqeeqat Se Fasane Se

Mujhe Ab Dar Nahi Lagta
Kisi Ki Naa_Rasai Se
Kisi Ke Paa_Rsai Se
Kisi Ki Bewafai Se
Kisi Dukh Intehai Se

Mujhe Ab Dar Nahi Lagta
Na To Is Paar Rehne Se
Na To Us Paar Rehne Se
Na Apni Zindagani Se
Na Ik Din Maut Aane Se
Mujhe Ab Dar Nahi Lagta…..

 

[Aks_]

Dua Ki Soorat Mein Uski Khatir,
Jo Mere Honton Se Lafz Nikle,
Jo Meri Aankhon Se Ashk Nikle,
Unhi Ke Badle Mein Aey Khudaya!

Jab Bhi Uska Naseeb Likhna!

Urooj Likhna,
Kamal Likhna,
Kabhi Na Harf-e-Zawal Likhna,
Khushiyan Likhna,
Aur Uski Umer-e-Daraz Likhna….

 

[Aks_]

Libas Tan Se Utaar Dena,
Kisi Ko Banhon Ka Haar Dena,
Phir Uske Jazbon Ko Mar Dena...

Ager Mohabbat Yehi Hai Jana
To Maaf Karna Mujhe Nahi Hai

Gunah Karne Ka Soch Lena,
Haseen Pariyan Dabooch Lena,
Phir Unki Aankhein Hi Noch Lena..

Ager Mohabbat Yehi Hai Jana
To Maaf Karna Mujhe Nahi Hai


Kisi Ko Lafzon Ka Jaal Dena,
Kisi Ko Jazbon Ki Dhaal Dena,
Phir Uski Izzat Uchal Dena....

Ager Mohabbat Yehi Hai Jana
To Maaf Karna Mujhe Nahi Hai

Andheir Nagri Mein Chalte Jana,
Haseen Kaliyan Masalte Jana,
Aur Apni Fitrat Pe Muskurana,

Ager Mohabbat Yehi Hai Jana
To Maaf Karna Mujhe Nahi Hai

Saja Raha Hai Har Ek Diwaana,
Khayalo-O-Husn-O-Jamaal Jana,
Khayal Kya Hain Hawis Ka Tana,

Ager Mohabbat Yehi Hai Jana
To Maaf Karna Mujhe Nahi Hai

 

[Aks_]

Aye Maan Mujhe Neend Nahi Aati……
Mujhe Apni Aaghosh De Do
Mere Maathe Par Lab Mohabbat Rakh Do
Mujhe Meethi Loori Suna Do
Mere Sare Gham Mita Kar
Apne Seene Ki Thandak Mein Chupa Loo
Aye Maan….!
Muddat Hui Mein Rooya Nahi Hun
Kai Raatein Kat Gayn Mein Sooya Nahi Hun…..

 

[Aks_]

Aisi Aankhen Kahin Nahi Shayad,
Meri Aankhon Ko Jo Samajh Paen,
Meri Aankhon Mein Jo Utar Paen,
Meri Ankhon Mein Jo Simat Aaen,
Meri Aankhon Mein Jo Chamak Jaen,
Meri Aankhon Mein Jo Aa Ke Mil Jaen,
Aisi Aankhen Kahin Nahi Shayad,
Aisi Aankhen Bani Nahi Shayad…

 

[Aks_]

Ager Tum Dekho Aaina,
To Apne Aap Se Nazrain Chura Lena,
Ke Aksar Bewafa Logon Ko,
Jab Wo Aaina Dekhain,
Aakhen Chor Lagti Hain…!

 

[Aks_]

Har Pal Usey Sochna,
Har Pal usey khojna,

Kabhi usey paa laina,
Kabhi usey kho daina…

Mein ajeeb, meri mohabbat us se bhi ajeeb,
Usey yaad karna,
Aur phir roo daina…

 

[Aks_]

Suno Aey Chaand Si larki,
Abhi tum Titliyan pakro,
Ya phir Masoonm si Ankhon sey,
Dheroon, khawab dekho tum
Faraz-o-Faiz-o-Mohsin ki
Kitaabain mat abhi parhna,
Ye sab lafzon ke Shaeir hain,
Tumhain uljha dain gey,
Tumhein maloom hi kab hai,
Muhabbat ke Libaaday mein
Hawas aur Hirs hoti hai,,
Ye insaan ki Dunya hai,
magar in sey kahin barh kar,
Yahan Wehshi darinday hain,
Wo Wehshi, jin ki ankhon mein,
machaltay piyaar ke peechay
Hawas aur Hirs hoti hai,
Abhi kachi kali ho tum,
Abhi kaanton sey mat khailo,
Abhi apni hatheli par,
Kisi ka Naam mat likho,
Abhi apni Kitaboon mai,
Gulabi phool mat rakho,
Abhi Shairon me mat uljho..
Abhi to Umer baqi hai,
Abhi khud ko sanbhalo tum
Abhi mat Gungunao tum,
Abhi sey Ishq mat socho,
Abhi sab Bhool jao tum....!
Abhi sab Bhool jao tum..

 

[Aks_]

Suna Hay Jab Mohabbat
Had Sey Barh Jaye
Ta’aluq Toot Jaty hain
Kisi Ki Badua’on Say
Muqaddar Phoot Jaty hain
Ta’aluq Toot Na Jaye
Muqaddar Phoot Na Jaye,
Hamare Haathon Mein
Jo Hath Hay,
Wo Choot Na Jaye
Hamara Kaanch Sa Ye Dil,
Kahin Phir Toot Na Jaye,
Chalo Apni Mohabbat Aazmaty Hain
Tumhain Hum Ye Batate Hain
Chalo Ham Rooth Jaty hain…

 

[Aks_]

"Kabhi jo hum nahi hon ge"

Kaho kis ko batao gey ?

Wo apni uljhanein sari,

Wo be-chaini me doobe pal,

Wo aankhon me chupe aansu,

Kise phir tum dikhao gey,

Bohat tum ko rulain gey...

Bohat chaho gey phir bhi tum,

Hame na bhool pao ge,

 

[Aks_]

Raat abhi Tanhai ki Pehli Dehleez pe Hai,
Aur meri Janib apne Haath barhati Hai,
Soch Rahi Hoon!
Un ko Thamoon,
Zeena Zeena Sannaton Ke Teh-Khaanon Me Utron,
Ya Apne Kamre Me Thehroon
Chaand meri Khirki pe Dastak Daita Hai..!

 

[Aks_]

Abhi Tum Beth Jao Na...
Bohat Si Baat Baqi Hai...
Mere Halaat Baqi Hain...
Abhi Jazbaat Baqi Hain...

"Suno"

Mujhay Tum Kyun Statay Ho..??
Mujhay Itna Rulatay Ho...
Mujhay Tum SE Muhabbat Hai...
Mujhay Kyun Aazmatay Ho..??

Tumhi Ko Yaad Karte Hain...
Tumhi Se Pyar KarteHain...
Meri To Zindgi Tum Ho...
Samajh Tum Kyun Na Patay Ho..??

Mujhay Tum Yaad Aatay Ho...
Meri To Har Khushi Tum Se...
Meri To Zindgi Tum Se...
Meri Hr Aarzoo Tum Se...
Mujhay Tum Kyun Statay Ho...

 

[Aks_]

Jo mere liye hi saja kare,,
Jo mere liye hi bana kare,,,

Main jo rooth jaon manaye woh,,
Main udas hoon to hansaye woh,

Sada chupke chupke dabe qadam,,
Mere saath hi bas chala kare,,

Kabhi us se mein jo door hoon,,
Meri wapsi ki dua kare,,

Koi apna aisa hua kare,,
Koi apna aisa hua kare..!

 

[Aks_]

Mohabbat chorr di hum ne....

Ye tum se kah diya kis ne ...,,,
K tum bin rah nahi saktay...,,,
Ye dukh hum sah nahi saktay...

Chalo hum maan laitay hain..
K Tun Bin.......
Hum buhat Roye....
kaii raton ko na soye....

Magar afsoos hai JANA...
K... ab k tum jo loto ge...
Humein Tabdeel Paoo Ge..
Buhat mayoos ho ge tum...

Agar tum poochna chaho k ...
Aisa kyn kiya hum ne.....
To .. sun lo goar se JANA...

PURANI IK RAWAYAT TANG AA KAR
TORR DI HUM NE.....

MOHABBAT CHOR DI HUM NE....!!
MOHABBAT CHOR DI HUM NE....!!

 

[Aks_]

تو بھی ہیرے سے بن گیا تھا پتھر
ہم بھی کل جانے کیا سے کیا ہو جائیں

ﺍﺣﻤﺪ ﻓﺮﺍﺯ

 

[Aks_]

Usey kehna,
Keh thakk sa geya hoon,
Mein khud ko saabit karte karte,
Agarchey, mere tareekay galat honge,
Iraadey magar sachh pe mabni hain,
Tum agar chaaho,
To mere jazbon ka imtehaan lo,
Mere haq me faisla dene ko,
Suno ab to to tthaan lo,
Usey kehna,
Ke thakk sa geya hoon..