Nazam Shayari Mera Intikhab ~chaya~

[Aks_]

Milan ki aarzoo krna​

Safar ki justajoo krna​

Jo tum mayoos ho jaao​

Toh mujh se guftagoo krna​

Yeh aksar ho bhi jata hay​

Kay koi kho bhi jata hay​

Muqaddar ko satao gay​

Toh phir yeh so bhi jata hay​

Agar tum hosla rakho​

Wafa ka silsala rakho​

Jo tum se pyar kar bethey​

Toh us sey rabta rakho​

Main yeh daaway sey kehta hoon​

Kabhi nakaam na ho gay​

Muhabbat ko samjh jaao​

Kabhi badnaam na ho gay​

…​

 

[Aks_]

Mujhe arzoo e sehar rahi
Yuhi raat bhar bari dair tak
Na bikhar saka na simat saka
Yuhi raat bhar bari dair tak
Tha bohat azab aur akale hum
Shab e gham bhi meri tweel ter
Rahi zindagi bhi sraab aur
Rahi ankh tar bari dair tak
Yahain her taraf hai ajab samah
Sabhi khud pasand sabhi khud numa
Dil e beqarar ko na mil saka
Kohi chara gar bari dair tak
Mujhe zindagi hai aziz tar
Issi waste mere hamsafar
Mujhe qatra qatra pila zahar
Jo kare asar bari dair tak….​

…

 

[Aks_]

Mera tumse aesa rishta hai​

Khawb ka jo tabeer se hai,​

Sheeshe ka jo tasveer se hai,​

Sachayi ka jo zameer se hai,​

Qaidi ka jo zanjeer se hai,​

Samundar ka jo mahi-geer se hai,​

Ranjhey ka jo heer se hai,​

Mera tumse aesa rishta hai,​

Chaand ka jo raat se hai,​

Saawan ka jo barsat se hai,​

Dil ka jo barsaat se hai,​

Dil ka jo jazbaat se hai,​

Mausam ka jo soghaat se hai,​

Jeet ka jo maat se hai,​

Takdeer ka jo halaat se hai,​

Mera tumse aesa rishta hai​

Pyar ka jo iqraar se hai,​

Dukh ka jo izhaar se hai,​

Sharaab ka jo khumaar se hai,​

Nafrat ka jo pyaar se hai,​

Jeet ka jo haar se hai,​

Til ka jo rukhsaar se hai,​

Mera tumse aesa rishta hai​

Kaantey ka jo phool se hai,​

Insaan ka jo bhool se hai,​

Raah ka jo dhool se hai,​

Dua ka jo kubool se hai,​

Ilm ka jo husool se hai,​

Kitaab ka jo Rasool se hai,​

Mera tumse aesa rishta hai​

Bahaar ka jo chaman se hai,​

Nigaah ka jo hussan se hai,​

Pardesi ka jo watan se hai,​

Justuju ka jo lagan se hai,​

Choli ka jo daaman se hai,​

Yadon ka jo saawan se hai,​

Mera tumse aesa rishta hai​

Dard ka jo ehsaas se hai,​

Sehraa ka jo pyaas se hai,​

Ghareeb ka jo aas se hai,​

Dard ka jo paas se hai,​

Jism ka jo libaas se hai,​

Gham ka jo Waqaas se hai,​

Mera tumse aesa rishta hai,​

Mera tumse aesa rishta hai…​

…​

 

[Aks_]

Wohi Galiyan, Wohi kuchay Wohi Sardi Ka Mausam He
Usi Andaaz Se Apna Nizaam E Zeest Barham He
Ye Husn E Itifaq Aisa K Bheegi Chandni B He​

Wohi He Bheer Sochon Ki Wohi Tanhaiyan Phr Se
Musafir Ajnabi Aur Dasht Ki Pinhaiyan Phr Se​

WO Jis K Hone Se Zindagi Nagma Saraai He
Usay Kehna !!!
Usay Kehna K Bheegi January Phir Laut Aai He.​

​

…​

 

[Aks_]

Agar kabhi koi lamha​

Aisa zakhm de jaye​

K koi bhi marham us​

Zakhm ko na bher paye​

Tum udas mat hona​

Mehv-e-yaas mat hona​

Zindgi k sub mausam​

Aik se nahi hote​

Saray log ay humdum​

Aik se nahi hote​

Zindgi ki rahon main​

Hadsey bhi atey hain​

Hadson se barh ker kuch​

Waaqay bhi atay hain​

Waqt k hi marhum se​

Zakhm bher bhi jatay hain​

Din buray hon ya achay​

Bus guzer hi jatay hain​

Waqt ko guzerna hai​

Zakhm ko bhi bherna hai​

Dard k charhay derya​

Ko abhi uterna hai​

Tum udas mat hona​

Mehv-e-yaas mat hona​

…​

 

[Aks_]

Agar wo pyaar kar laiti​

Maira daaman pakaR laiti​

To jeevan main faqat us say​

Mohabbat farz ho jaati​

Mohabbat qarz ho jaati​

Magar​

Acha kiya us nay​

Mujhay samjha kay chal nikli​

Mujhay thukra kay chal nikli​

Bohat nadaan si hay wo​

Abhi anjaan si hay wo​

Kahan ma’loom hay us ko​

Mohabat zindagi main bus​

Faqat ik baar milti hay​

Agar thukra kay chal niklain​

To umrain beet jaati hain​

Mohabbat ki tamanna main​

Magar​

Har ik rastay pay​

Sirf ruswaaii milti hay​

Faqat tanhaaii milti hay​

 

[Aks_]

Mere marne se kisi ko​

zeyada fark nahi padega’​

.​

DOST….​

.​

bus tanhai royegi ke mera​

humsafar chala gaya….​

…​

 

[Aks_]

Aaj Ek dost ne kaha tu shadi kis se karega ?​

Maine kaha main shadi shuda hon ..​

Kehne laga kon hai tera jeevan sathi ?​

Maine kaha yadein hain kisi ki ..​

Kehne laga kis ne parhaya tha nikah?​

Maine kaha mustaqbil k khawabon ne ..​

Wo bola kaisi guzar rhi hai zindagi ?​

Main bolne hi wala tha k ankhon se aansu chalak pare ..​

Wo bola use chor q nahi deta ?​

Maine kaha haq-mehar meinapni zindagi likhi hui hai…..​

…​

 

[Aks_]

Aao Ke December Ko Rukhsat Karen​

Kuch Khushiyon Ko Sambhal Kar,​

Kuch Aansuon Ko Taal Kar,​

Jo Lamhe Guzre Chahton me,​

Jo Pall Beete Rafakaton Me,​

Kabhi Wqt K Sath Chalte Chalte,​

Jo Thak K Ruke Raston Me,​

Kabhi Khushiyon Ki Umeed Mili,​

Kabhi Bichre Huon Ki Deed Mili,​

Kabhi Be’panah MuskuRa Diye,​

Kabhi Hanste Hanste Ro Diye,​

In Sare Lamhon Ko Mukhtasir Kren,​

Aao k DECEMBER Ko Ruksat Kren…​

…​

 

[Aks_]

Chala Gaya Mujhay Chor Kar​

Wohi Aaj Tak Mere Saath Hai​

Mera Nam Tak Jo Na Lay Saka​

Jo Mujhay Qarar Na Day Saka​

Jissay Ikhtiyaar Tau Tha Magar​

Mujhay Apna Pyar Na Day Saka​

Wohi Shakhs Meri Talassh Hai​

Wohi Dard Mera Hayaat Hai​

Jo Chala Gaya Mujhay Chor Kar​

Wohi Aaj Tak Meray Saath Hai…​

…​

 

[Aks_]

Main Bhool Jaoon Tumhay Ab Yahi Munasib Hai
Mager Bholana Bhi Chahon To Kis Tarah Bholoon​

Ke Tum Tu Phir Bhi Haqeeqat Ho Koi Khuwab Nahi
Yahan To Dil Ka Yah Aalam Hai Kya Kahoon​

Bhola Saka Na Yah Wo Silsala Jo Tha He Nahi
Wo Ak Khayal Jo Aawaz Tak Gia He Nahi​

Wo Aik Baat Jo Main Kah Na Saka Tum Say
Wo Aik Rabt Jo Ham Main Kabhi Raha He Nahi​

Mujhay Hai Yaad Wo Sab Jo Kabhi Howa Hi Nahi
Ager Yah Haal Hai Dil Ka Tu Koee Samjhaye​

Tumhe Bhulana Bhi Chahoon Tu Kis Tarah Bholoon
Ke Tum Tu Phir Bhi Haqeeqat Ho Koi Khawb Nahi​

​

…​

 

[Aks_]

Dard Jeet Jata Hai..​

Log Milty Julty Hain..​

Sath Sath Chalty Hain..​

Sath Sath Chalne Main..​

Ranjishein Bi Hoti Hain..​

Ranjishon Main Bi Lekin..​

Chahatein Bi Hoti Hain..​

Chahaton Ki Bi Har Pal..​

Ik Ajab Kahani Hai..​

Hot Hansty Rehty Hain..​

Ankhein Bheeg Jati Hain..​

Bheegi Si Nigahon Main..​

Khuwab Jalty Bujty Hain..​

Dard Ke Is Safar Main Kuch..​

Aisy Mor Bi Aty Hain..​

Khuwab Toot Jaty Hain..​

Sath Choot Jaty Hain..​

Kircheian Uthaney Main..​

Waqt Beet Jata Hai..​

Dard Jeet Jata Hai..​

…​

 

[Aks_]

Wasi,​

Wo roke or ik raat ka israr kare,​

“Qasam khuda ki main kisi or ka ho nhi sakta”,​

Ye wada-e-wafa wo bar bar kre​

…​

 

[fdmemon]

Bara dushwaar hota hai,​

Zara sa faislaa karna,​

Ke jeewan ki kahani ko,​

Beyaan-be-zubani ko,​

Kahan se yaad rakhna hai,​

Kahan se bhool jana hai,​

Kisey kitna batana hai,​

Kis se kitna chupaana hai,​

Kahan ro ro ke hasnaa hai,​

Kahan hans hanss ke rona hai,​

Kahan awaz deni hai,​

Kahan khamosh rehna hai,​

Kahan rasta badalna hai,​

Kahan se laut jana hai,​

Barra dushwaar hota hai…​

Taqdeer Ka Gham, Or Duniya Ka Sitam Har Haal Me Sehna Parta Hai


Shikway Bhi Dilon Mein Hote Hein 0r Khamosh B Rehna Parta Hai

 

[Aks_]

Raat Uss ne Poocha tha:​

Tum ko Kaisi Lagti Hai​

Chandni December ki !​

Main ne Kehna Chaha Tha:​

Saal-o-Maah ke Baarey mein​

Guftagu ke Kya Maani ?​

Chahey koi Manzir ho​

Dasht ho , Sumnadar ho​

June ho , December ho​

Dharkanoo’n ka Har Naghma​

Manzaroo’n pe Bhaari hai​

Saath Jab Tumhara Ho​

Dil ko Ik Sahara ho​

Aisa Lagta hai, jaise​

Ik Nasha sa Taari hai​

Lakin Uss ki Qurbat mein​

Kuch Nahi Kaha Main ne​

Takti Reh gayi Mujh ko​

…​

 

[Aks_]

Agar ye​

jan’na chaho,​

Koi kaisay​

Bikharta hai?​

Bikhar kr kaisay​

Jeeta hay?​

Chaman main tum chalay jana,​

Khizan k​

Sard Mausam main,​

Wahan Patton​

ko dekho tum…​

Ya phir 1​

Aainaa lay lo,​

Usay Pathar pe​

Day maro,​

Agar mushkil​

ho ye Bhi to,​

1 Phool lay lena,​

Hawa k​

Dosh pe rakhna,​

To phir tum​

jan jao gay,​

Koi KAISAY​

BIKHRTA hay.​

Agar ye bhi na​

ho tum se,​

To mere pas​

aa jana,​

Mera Deedar​

ker lena,​

Khabar ye ho​

hi jae gi,​

KOI KAISAY​

BIKHRTA HAY​

…​

 

[Aks_]

Libas Tan Se Utaar Dena,​

Kisi Ko Banhon Ke Haar Dena,​

Phir Uske Jazbon Ko Maar Dena,​

!! Ager Mohabat Yehi Hai Jana To Maaf Karna Mujhe Nehi Hai!!​

Gunah Karne Ka Soch Lena,​

Haseen Pariyan Daboch Lena,​

Phir Uski Aankhein Hi Noch Lena,​

!! Ager Mohabat Yehi hai Jana To Maaf Karna Mujhe Nehi Hai!!​

Kisi Ko Lafzon Ke Jaal Dena,​

Kisi Ko Jazbon Ki Dhaal Dena,​

Phir Uski Izzat Uchaal Dena,​

!! Ager Mohabat Yehi Hai Jana To Maaf Karna Mujhe Nehi Hai!!​

Andhair Nagri Mein Chalty Jana,​

Haseen Kaliyan Masalty Jana,​

Aur Apni Fitrat Pe Muskurana,​

Ager Mohabat Yehi Hai Jana To Maaf Karna Mujhe Nehi Hai​

…​

 

[Aks_]

Ek shakhs ko deakha tha​

Taron ki tarha Hamney​

Ek shaks ko chaaha tha​

Apnon ki tarha Hamney​

Ek shaks ko samjha tha​

Phoolon ki tarhaa Hamney​

Wo shaks qayamat tha​

Kya uski karein Batain​

Din us ky liye Paida​

Aur uski he thi Ratain​

Kab milta kisi se tha​

Ham se thi mulaqatain​

Rang uska Shahaabi tha​

Zulfon mein thi Mehkarein​

Aankhain thi ke jaadu tha​

Palkain thi k talwarain​

Dushman bi agar dekhein​

so jaan se dil Harain​

Kuch tum se wo milta tha​

Baton mein shahaabat thi​

Han tum sa hi lagtaa tha​

Shokhi mein sharaarat main​

Lagta bhi tumhe sa tha​

Dastur-e-mohabbat main​

Wo shaks hamain aik din​

Apnon ki tarhaa Bhoolla​

Taron ki tarha doobba​

Phoolon ki tarha tootta​

Phir haath na aaya woh​

Hamney bohat dhoondha​

Tum kis liye chonkey hom​

Kab zikar tumhar hai​

Kab tum se takaaza hai​

Kab tum se shikaayat hai​

Ikk taaza Hikayat hai​

Sun lo tou inayat hai​

Ek shaks ko chaaha tha​

Apnon ki tarha Hamney​

 

[Aks_]

Mein dharti maili maili si,​

Tu ujla ujla prem gagan​

Tu chanchal shor hawaon ka,​

Mein kankar koi paaon ka,​

Tu saat surron ka roop koi,​

Mein tapti jalti dhoop koi,​

Tu khushbu nirmal kalyon ki,​

Mein dhool udaas galyon ki,​

Tu subha ka pegham koi,​

Mein bojhal dhalti sham koi,​

Tu jungle ka mor koi,​

Mein sehraon ka shor koi,​

Tu chand nagar ki hoor koi,​

Mein aas me betha dour koi,​

Mein dharti maili maili c,​

Tu ujla ujla prem gagan,​

…​

 

[Aks_]

Akhir keh hi dala us ne ik din,​

Iss kadar tootay ho,​

tou bikhar kyon nahin jate,​

Tanha tanha rehte ho,​

tou sanwar kyon nahin jate,​

Kab tak jiyo ge yeh dard bhari zindagi tum,​

Kisi roz khamoshi se mar kyon nahin jate ?​

…​