Sabb log liye sang-e-malamat nikal aaye

[dream girl]

Sabb log liye sang-e-malamat nikal aaye
Kis sheher main hum ahl-e-mohabbat nikal aaye


Abb dil ki tamanna hai tou aye kash yehi ho
Ansoon ki jagah aankh se hasrat nikal aaye


Har ghar ka diya gull na karo tum keh na janay
Kis baam se khurshed-e-qayamat nikal aaye


Jo derpay pindaar hain unn qatal gahoon say
Jaan de kay bhi samjho keh salamat nikal aaye


Aye hum sukhanoon kuch tou kaho ehd-e-sitam ki
Ek hurf say mumkin hai hikayat nikal aaye


Yaaroon mujhay masloob karo tum keh merey baad
Shayad keh tumhara qad-o-qamat nikal aaye​

 

[piyarpiyarpiyar]

bohat hi nice share

 

[hasham]

bohat nice sharing

 

[Dark]

nice post

 

[nrbhayo]

nice...