2 characters play!
Funny conversation between a customer and waitress!
dialogue between customer & waitress
yahan pe kirdar kuch is tarha se hain
customer : saviou
waitress : hoorain
saviou(customer) ( jinhe harr baat may shair bolnay ki aadat hai) restaurant mai daakhil hote hain half deal k chakkar mai
saviou : (seat pe baithtay huay) waitress (hoorain) ko bulate hain.
(waitress (hoorain) musalsal daramma dekhnay mai maghan hai)
saviou: waiter!
Hoorain : (uss pe koi assar nahi)
saviou : zorr se table bajate hain'
hoorain : jaldi jaldi bhaagi aati hai.
Saviou : barri derr karr di mehrubaan aatay aatay
hoorain : (heraangi se dekhtay huay menu card aagay karti hai) Sir order plz.
Saviou : (5 min menu card ko ghurte hain phir waitress ki taraf dekhtay huay bolte hain)
dill tou chahtaa hai harr cheez kharindoon
parr jaib kehti hai bakwaas na karr
hoorain : (jallay huay andaaz mai) sir! aap se zyada aqalmand tou aapki jaib hai
saviou : (burra sa mou banatay huay) order pass karte hain.
hoorain : counter pe chali jaati hai orr phir se dramma dekhnay mai maghan ho jati hai.
Saviou : pichlay 15 min se dramay k harr scene k saath waitress k mou k badaltay huay zaawion ka jaizaa le rahe hain, orr hanss rahe hani.
Sath me sher keh rahe hain
Ye andaz e nazar, gulistane chaman
Lagta nahi aaj ho payega apna bhojan
(45 min guzarnay k baad)
Saviou : waitress!
hoorain : (apni saheli k saath drama discuss karr rahi hai ) yaar kal ki episode mai parwati ne peoush ko thappar maara.
Saheli : kon paarwati?
Saviou : (jo counter k paas hi kharre sab sunn rahe the kehte hain) paarwati hamari paroosan
hoorain : jee sir?
Saviou : jee! pichlay 1 ghantay se maine order diaa hai or ap musalsall starplus mai maghan hain'
hoorain : (masoomiat se) parr sir mai tou sony dekh rahi hu
Saviou : OMG' (sarr pe haath maartay huay)
Ye kahan aagaye ham yuhi chalte chalte half deal k chakkar me,
ab kaun bachayega hameeeeeee is musheebat me
hoorain : hay ALLAH sir! aap kia suhana k fan hoo?
Saviou : kon suhana ?
hoorain : sir wo jo aapki parrosan hay na parwati uski bahu aapko nahi pata
Saviou : (burra sa mou banatay huay) dobara apni jagha pe aa jate hain.
uktaa k saviou tehlnaa shurru karr dete hain...
aur geet gaane lagte hain chalte chalte ek naseehat yaad rakhna kabhi half deal k chakkar me na padhna
hoorain : dramma chhorr k saviou ki taraf mashkook nazron se dekhnay lagti hai, k jesyay wo hotel k chamach churra k bhaagnay waale hoo
waitress baghor unka jaiza leti hai orr paas aa k bolti hai k sir plzz tashreef rakhain'
saviou : mai kia yahan tashreef rakhnay aaya hu...aur kahi kia mujay tashreef rakhni nahi aati thi jo mai yahan aata...
hoorain : nahi sir meraaa matlab.......
saviou : nahi tou kia matlab hai aapka k ab aap batayen gi k mai kab tashreef rakhuu(saari bharras nikal k aakhir kaar saviou tashreef rakh hi lete hain ).
itne may hoorain khana le hi aati hai!
Saviou : (apna mou sawaarte hain )
hoorain : khana serve kartay huay bhi tv ki taraf dehan hay or chatnian saviou k kapron pe girr jaati hain.
Saviou : (bechare ka mou sawara hi reh jata hai
hoorain : sorry sir i m really sorry mai abi saaf karr deti hu orr tension mai wo tissue uthanay ki bajaye table cover se hi saaf karnay lagti hai-tou baaqi bachi hui chatnian bhi girr jaati hain.
Saviou : what the hell! aapko zarra tameez nahi meri itni qeemti shirt kharaab karr di kahan hai manager aapko naukri pe kis ne rakhaa.
hoorain : (ankho mai aansoo laatay huay kisi taza tareen drama k dialogues bolne lagti hay)
sir plz aap manager sir se mat bolna. maire chote chote behan bhai hain sir, mairi walidain boorhe hain ,sir
main unki ek lauti aulaad hoon ,sir hum sab behan bhai yateem hain(wo shayed kuch ziada hi sentimental ho rhi thi)
phir apni aankhon se ragar ragar kar wo aansu saaf karne lagi jo nikal hi nhi rhe thay.
Saviou : oh plz ab apni ye notanki band karo, khana serve karte hue bhi tum SOny daikh rhi thi
hoorain : (waitress minmanatte hue)par sir wo sony nhi wo to ZEE tha. :0
saviou : (ghusse may usse manager room ki taraf late hain)pata chalta hay manager sahab subha aayain gay
saviou : theek hay aaj main tumhe maaf karta hoon, par tum ne maira bohat nuqsaan kia hay
hoorain : (burra sa moun banate hue )shukrya sir aap kitne dialoo hain, main aap k ehsanaat tale gaude gaude doob chukki hoon
saviou : aur agar maine ghusse may kuch ziada keh dia ho to ignore kar daina
hoorain : koi baat nhi sir main samajh sakti hoon aap ghusse may thay is lie kuch bhi bakwaas karne lagge its ok
saviou : what?
hoorain : haan na sir hota hay insan ghuss may kuch bhi bakwaas kar daita hay maine aap ko maaf kia its ok (apni taraf se wo saviou pe ehsaan kar rhi hay)
(saviou ka moun hayrat se khula hi reh jata hay ):0
uff ok ab main chalta hoon
hoorain : ok sir aate rahie ga
saviou : (mur k muskuraate hue ) bare beaabru ho kar taire kooche se hum nikle
hoorain : (dil me minminate huye chal ab apna raasta naap nikalley)
saviou : (baahir nikalte hue saviou mur k daikhte hain waitress (hoorain) abhi bhi Tv daikh rahi hay par is baar wo ye andaza nhi kar pate k wo star plus daikh rhi thi, SOny, ya zEE)