اسی لکھ نمازاں نیتِیاں،
اسی سجدے کِیتے لکھ
اسی پکھّو وِچھڑے ڈار دے،
اسی اپنے آپ توں وَکھ
اسی ویکھیا دِل مخلُوق دا،
دِل بُوھے بُوھے رکھ
اسی راتاں کٹِیاں جاگ کے،
لگ بارِیاں نال کھلو
ساڈے ساہ وِچ صَبر دی چاشنی،
ساڈی رگاں دے وِچ خَشبو
اسی خالی کھوکھے زات دے،
سانُوں چُنجاں مارن کاں
اسی مَوسم کچّے عِشق دے،
ساڈی دُھپ بنے، نہ چھاں
اسی مُجرم عِشق دے جُرم دے،
اسی سُفنے لۓ اُڈیک
ساتھے لگن روز عدالتاں،
سانوں پۓ جاۓ روز تارِیخ
اسی جَمدے نال دے کابھرے،
اسی قِسمت نال خفاء
اسی بھولے وانگ کبُوتراں،
اسی پاگل وانگ ھوا.
Aap ke fav poet ka sher:aaj ka intikhab tha
wahAap ke fav poet ka sher:
خود کو ڈانٹوں گا ساری باتوں پہ
جانے کس بات پر خفا ھو تم