Aaj Ka Intikhaab............!!

[Kavi]

آپ آئے ہیں، حال پوچھا ہے
ہم نے ایسے بھی خواب دیکھے ہیں​

 

[Kavi]

تلقین کرو صبر کی بےشک مجھے لیکن
اے شہر کے لوگو ! میرا نقصان تو دیکھو​

 

[Kavi]

کئی روگ دے گئی ہے نئے موسموں کی بارش
مجھے یاد آ رہے ہیں مجھے بھول جانے والے​

 

[Kavi]

آدم سے چل رہا ہے خطاؤں کا سلسلہ
انسان اپنے باپ کے نقش قدم پہ ہے​

 

[Kavi]

دل دهڑکتا تھا تو رونق سی لگی رہتی تهی
اب دهڑکتا ہے تو دهڑکا سا لگا رہتا ہے​

 

[Kavi]

دل کو چھو جاتی ہے یوں رات کی آواز کبھی
چونک اٹھتا ہوں کہیں تو نے پُکارا ہی نہ ھو​

 

[Kavi]

تم بہت دُور ہو اور میرے پاس
ایک ہی سِمت کا کرایہ ہے​

 

[Kavi]

زندگی یوں ہے کہ سب رنگ تھما کے بچوں کو
پھر کہا جائے کہ کوئی داغ نہ لگنے پائے
​

 

[Kavi]

مُجھ پر مِرے نصیب کی حُجّت تھا ایک شخص
بچھڑا تو میرے رِزق سے برکت چلی گئی​

 

[Kavi]

ہم لوگ تِرے شہر میں خوشبو کی طرح ہیں
محسوس تو ہوتے ہیں، دکھائی نہیں دیتے​

 

[Kavi]

دشتِ غمِ حیات! مِرا حوصلہ تو دیکھ
میں ڈھونڈنے چلا ہوں تِرا دُوسرا سِرا​

 

[Kavi]

اب تو دیمک بھی کھا کے چھوڑ گئی
تیری دستک کے منتظر دروازوں کو​

 

[Kavi]

جانے مِرے گُناہ میں کیسی ہے سادگی
زاہد سمجھ رہا ہے ابھی پارسا مُجھے​

 

[Kavi]

اتنی اُڑی ہے گرد کہ آنکھوں کے سامنے
جو شے بھی منطقی تھی تماشہ لگی مجھے​

 

[Kavi]

بے موت مار ڈالیں گیں یہ ہوش مندیاں
جینے کی آرزو ہے تو دھوکے بھی کھائیے​

 

[Kavi]

تم بھی جھیلو گے کبھی عِشق میں فُرقت کا یہ دُکھ
تم بھی دیکھو گے کبھی چھوڑ کے جاتا ہوا شخص​

 

[SHB_Bhaiya]

دلِ مضطر ترا نقصان نہیں ہونے دیا
وادئ ہجر کو ویران نہیں ہونے دیا

ہم نے مقتل میں بھی سر دے کے بچایا اس کو
حضرتِ عشق کو قربان نہیں ہونے دیا

کیا ہوا تجھ کو جو ٹھہرایا نہیں ہے دل میں
تو نے ہم کو بھی تو مہمان نہیں ہونے دیا

اپنی تذلیل کو اتنا ہی بہت یے مرے دوست
جسم کو زینتِ شمشان نہیں ہونے دیا

روح کو بیچ کے اک جسم خریدا میں نے
مجھے اس جسم نے بے جان نہیں ہونے دیا

چیر کر دل کو تری یاد سے پیوند کیا
ہجر کے زخم کو درمان نہیں ہونے دیا

اس نے دل چاہا سو سینے کو خودی چاک کیا
اپنے دشمن کو پریشان نہیں ہونے دیا

 

[Kavi]

تعلق رکھ لیا باقی، تیّقُن توڑ آیا ہوں
کِسی کا ساتھ دینا تھا، کِسی کو چھوڑ آیا ہوں
تمھارے ساتھ جینے کی قسم کھانے سے کچھ پہلے
میں کچھ وعدے، کئی قسمیں، کہیں پر توڑ آیا ہوں
​

 

[Kavi]

ہم کسی پیڑ کے سوکھے ہوئے پتے ہیں جنہیں
عادتاً لوگ جو گزریں تو گِرا دیتے ہیں ​

 

[Kavi]

بچھڑے ہوؤں کے سوگ میں رہنے دے اشکبار
اے یاد رفتگاں مُجھے تنہا نہ کر ابھی​