Asalamo aliekum friends
yehan main kuch kids k hawalay se discus karna chahoon gi aur aap longo se is k solution k baray main b janna chahoon gi ..
wo hai aaj kal k bachon ki problems jo k bohat common hochuki hai
ye observe kiya gaya hai k aaj k bachay last generation k muqablay main kaafi ziada shararti,,,touchy,,,ziddy,,etc horahay hain..
parents ki advice ko jald accept nahi kartay.
akhir is ki kiya waja hosakti hai..kiya parents ka had se ziada nakhray uthana..{}{76yt
parents ka un har baat ko manna ya phir zamanay k lehaaz se un main ye changes arahi hain..
to phir is ko mantain karan b mushkil hota ja raha hai..aap k khayaal main is ka kiya solution hona chaheya
ab ye mat keh dena hamain tajarba nahi...lollzzz
thanx{(goodpost)}
Zabardast question aur her ghar ka masala hai. khuwaah aap kay bhai bahan hon kay apnay buchchay.
Wajoohaat kia hain:
Pehlay ki generaion qadray bewaqoof hoti thi mera mutlub hai meray ilawa sub.
Aaj ki genration ziada zaheen hai.
Mahol ka bhi asar hai
Konowledge ki zidati hai
Ziada opportunies hain.
Mind grow kanray kay ziada mowakay hain tarha tarha kay khilaonon au asaishon ki ki wajah say jub kay pehlay kay buchchon ko yay sub asaishin kum mayassar theen is liaay itnay zaheen naheen thay.
Maan baat ka tareeqa e andaz e palna bhi badal gia hai.
Tameez seekhanay aur seekhanay ka bhi undaz aur mawaqay badal gaay hain
Pehlay ki tarha joint rahaishi system bhi naheen kay sub nain toka ya kisi ki baat ki ahmiat huwi kisi ko pyar ziada karnay ki wajah say ya kisi kay maanay ki wajah say. Sub kay khuloos o mohabbat bhi thay apas main
Ub to sirf parents hotay hai to maan baap kay ziada daant dapat ya bayja roak toak ya ziada jhoot ki wajah say buchchon main itni ahmiat naheen rahi parents ki.
baaz dafa parents say ziada knowledge honay ki wajah say ya khud ko ziada knowledge wala samajhnay ki wajah say.
deeni taleem ki ibtadai dinon main na milnay ki wajah say.
Ghar main husband wife kay darmiaan na chaqi rahnay ki wajah say buchchay dono say buddil ho jatain hain aur kisi ki naheen suntay.
Parents ko her waqt ya baat baat pay lartay jhagartay daikh kar unka aitabar uth jata hai aur bud kahna ho jaatain hain
Parents ki tarbiyat main bhi wo baat naheen rahi.
Parents ziada liberal ho gaay hain.
Parents ki baytwajjahi ya masroorfiaat ya job ki wajah say say bhi
Kai bachchay honay ki sooraat main parents ka kisi ko ziada maana ya ghalat baat main kisi ki tarafdari karna aik ko budtameez bana deta hai.
Naay bachchay kay paidaish ki wajah say parents ka tawaajja naay ko denay say aur pehlay walay ko ignore karnay say.
School main sahi tarbiaat na honay say
Masrhay main daikh kar
Doston ya aros paros say seekh kar
Parents kaisay nimat saktay hain aisi situation main:
Apnay undaaz aur sulook say khud ko mautabar banaain buchchay ki nazar main.
Usko ahsaas dilain kay parents aap say ziada jantay hain. Un pay apni taleem ka roab o bharam barqarar rakhain.
Unko kabhi yay ahsaas na honay dain kay wo kisi bhi qism kay cheez main aap say ziada bahtar hain. khuwah wo buchchon ka game hi kioon na ho maharat hasil na karain to kum uz kum itna seekh lain kay us kay saath participate kar sakhain aur discuss karain.
Us ko time dain Us say pyar ka khoob izhar karain. Agar kai buchchay hain to her aik say tanhai main pyar karain kay doosray ko daikh kar hasad jalan na ho aur na hi yay ahsaas ho ko aap usko ziada pyar karti hain.
Sub say yaksaan pyar karain bayimaani hargiz naheen kay agar aap baytay ko manti hain to beti ko kum ahmiaat dain. Bayshak manain baytay ko per ahmiaat donon ko barabar dain aur insaf har haal main dono kay saath karain.
Her baat main mukummal insaaf karain.
Pyar mohabbat say paish aain laikin jahan zaroorat ho sakhti bhi karain.
Kabhi naaz uthain bhi aur kabhi jaan boojh kar na uthain. Yani kuch mangay to na dain takay hamaysha milnay ki adat ki wajah say baaz buchchay ziddi ho jatay hain.
Jaisay dukanon main parents ko zaleel kar rahay hota hain har dafa kay kai cheezain layni hain rona dhona aur zid pay ar jatain hain. Kabhi do chamat mar kar chup karain. Kabhi kisi say dara kar.
Kisi aik fard say chacha mama say dara kar rakhain jin ka kabhi kabhar ana hota hai takay dhamkaya ja sakay.
Wo ziada zaheen hotay hain so aap ko bhi zahanat say kaam lena chahyay. Unki tasalli unkay sawalon kay jawab say bahtar tor par karain.
Darmiyana rwaiya ikhtiar karain.
AGar aap ka buchcha bohat ziddi aur badmaash hai:
To us say pyar karain ziada. Ahsaas dilaain kay aap us say sub say ziada pyar kartain hain per wo tung kar kay bohat takleef deta hai aap ko.
Us kay achchay ya mamooli kaam ko khoob sarahain, inaam dain ussay kahain kay bohat achcha kaam hai is liaay diwar pay laga dia hai aur ussay dewar pay lagain.
Logon kay samnay us ki tareef karain. jo zara bhi achcha kaam kia hai uski khoob tareef karain aur kahain aap bohat proud feel karti hain kay aap ka budhcha itna achcha hai.
Us kay zid kay waqt bilkul zor zabardasti na karain. bohat pyar say smajhain na manay aur zida zid karaiy to bilkul chor dain khuwah kitna hi ro kioon na raha ho. Apna dil kar'a kar lain.
Phir agar wo a jata hai khud aap kay paas ya narm par jata hai to bohat pyar aur mohabbat say smajhain kay mama aap say kitan pyar karti hain aur aap itna tang kartay hain.
Agar phir bhi akar dikhay to 2 say 4 din bilkul us ko ignore karain khanay peenay ka bhi na poochain. Jub bhook lagay gi to khud shirminda ho kar aap kay paas aay ga. agar phir bhi akar dikhaay ya budtamizi say baat karain to bilkul ignore karain. Khuwah do din bhooka hi kioon na rkhana paray. Jub bhoo lagay gi zor ki to khud 2 din main seedha ho jaay ga.
Rota ziada ho to ronay jub tuk rota hai bilkul chup na karain. Aisay behave karain jaisay us kay ronay ka aap pay koi asar naheen ho raha hai.
Zabardasti sorry na karwain. Ahsaas dilain kay wo khud sorry karay.
Wo jub normal ho jaay to khus hain ussay pyar karain aur samjhain agar ainda naraz huwa to main kabhi pyar naheen karoon gi. kuch treat dain aur kuch tohfa dain kay aap nain budtamizi chor di. Laikin aida kia to wapis lay loon gi.
Aisay buchchon ko pyar ki kami mahsoos hoti hai jo is tarha kartain hain yani jitna lift wo chahtain hain wo naheen milta to tung kartay hain.
Ya phir jub zaheen hotay hain daikh laytay hain kiay unka laad ziada ho raha hai to sir charh jaatain hain.
Yaad rakhain jitna buchcha zaheen hota hai utna hi tung bhi karta hai. Is liaay ussay sanbhalnay aur control karnay kay liaay bohat zahanat say kaam lena chahyay.
Wo jis kaam main ziada interest leta hai ya ziada darta hai us ka istamal karna chahyay yani narazgi main uskay pasandeeda cheez say mahroomi ki soorat main ya budamizi ki soorat main dara kar.
yay baray azmooda nuskhay hain. Aik jagah main nain kaam kia hai aur kai bully buchchon ko aisa garweeda kia hai kay sub hayran rah gaay.
kabhi bohat pyar karain kabhi saakhti bhi karain kabhi thori aur kabhi thori ziada.
Baqia ainda.