Aakhri baar marne se pehle insan thora thora marta hay!
Insan khudkushi kio karta hay? ye jan'ne k liye marne k asbab-o-muharkaat ko samjhna zaruri hay,aapko un halaat ki taraf jana parega jab umeedain dam torti hain,raaste masdud ho jaate hain dimagh may haijan bapa hota hay.sochne samajhne aur natayij ka idrak nhi rehta! aik shafeeq maan apne bachon samait train k neeche kat kar mar jaati hay..Baap aankhon ki thandak aur apne dil ki dharkan apni phool jesi beti ko na chahtey huye bhi tol kar baich daita hay,,usse maloom hay k is alam naak waqea k baad samaj may izzat se rehne k tmam asbab bahane khatam ho chukkey hon gaye,,"Aakhri baar marne se pehle insan thora thora marta hay"!
lakin maan apne lakht-e-jigar ko bhook se tarapta hua nhi daikh sakti wo bachon ka gala ghoontne may nakam rehti hay to bachon k galley may bray-e-farokht(for sale) ka board latka kar bazaar may aa jaati hay,,, phir khud tamashayi ki kefiyat se nabardaazma hoti hay,, "aakhri baar marne se pehle Insan thora thora marta hay"
WO Hawadis k jo zamane ko hila daite hain
Bhook aur Bhook ki shiddat k Siwa kuch bhi nhi
ye wo marhala hay jahan lafz khoon ugalte hain maani bejaan ho jaate hain,,Falsfa tarapne lagta hay,marne se pehle kayi baar umaaedain Angrayi ley kar kisi maseeha ko pukarti hain,,Kisi Moujzey ka shiddat se intazar rehta hay,,Aas Mayusi ka chaula pehan ley to Rooh Wajud se Aazad hone k liye beqrar ho uthti hay,,Natayj ki parwah kiye baghair Insan Aakhri safar ki Janib nikal parta hay!
Waqt Karta hay Parwarish Barson
Haadsa Aik dam nhi hota!