Ghazals Collection :)

[Naila_Rubab]

Akele jo dukh uthate ho
yeh tum accha nahin kartey

Hamara dil jalatey ho
yeh tum accha nahin kartey

Kaha bhi tha muhabbat hai
muhabbat hi isey rakho

Tamasha jo banatey ho
yeh tum accha nahin kartey

Uthate ho falak tum hamein
sar e mehfil

Utha kar jo girate ho
yeh tum accha nahin kartey

Koii jo poochle tum se
ke rishta kia ab unse

To nazron ko jhukatey ho
yeh tum accha nahin kartey

Bikher jayen andheron mein
sahara tum to dete ho

Magar phir chor jatey ho
yeh tum accha nahin kartey​

 

[NXXXS]

 

[Naila_Rubab]

Waa'az sa bazm mai charcha kabhi hone na diya
ham ne apne ko tamasha kabhi hone na diya

ham ko iss gardish e daura'n ne kahee'n ka na rakha
phir bhi apne ko shikasta kabhi hone na diya

mai-kaday mai barhe kam zarf thai peenay walay
aankh ko saagar o meena kabhi hone na diya

kitna aasan tha apnay se juda ho jana
ishq mai zehen ka sauda kabhi hone na diya

roz jalna hai isay roz jalana hai isay
aatish e shauq ko thhanda kabhi hone na diya

umr rishto'n k taqazon ko nibha bhi na saki
zindagi ne mujhay apna kabhi hone na diya

sab se mehfooz maqaam, gham e tanhai hai
fikr e dunya ne akaila kabhi hone na diya​

 

[NXXXS]

Mujhe shauq tha ke miloon tujhe,
Mujhe khauf bhi tha kahoonga kya,
Tere saamne se nikal geya,
Bara sehma sehma daraa daraa..

 

[*Sarlaa*]

Ya Rab, gham-e-hijraan mein itna to kiya hota,
Jo hath jigar per hai, woh dast-e-dua hota,
Ik ishq ka gham aafat aur is pe yeh dil aafat,
Yeh gham na diya hota ya dil na diya hota,
Nakaam-e-tamanna dil, is soch mein rehta hai,
Yooon hota to kya hota, yoon hota to kya hota,
Umeed to bandh jati, taskeen to ho jati,
Vaada na wafaa kartey, vaada to kiya hota,
Ghairon se kaha tum ne, ghairon se suna tum ne,
Kuch hum se kaha hota, kuch hum se suna hota..

 

[*Sarlaa*]

Ajeeb wehshat taari hai mujh per tere bin,
Ke saans lena bhaari hai mujh pe tere bin,
Na jee saken na mar hi saken judaayi mein,
Yeh zulm kesa jaari hai mujh pe tere bin,
Na kuch dikhayi deta hai na soojjhay kuch,
Andher duniya saari hai mujh pe tere bin,
Ke chorr ker jis din se gaye ho tum mujhe,
Shadeed aah-o-zaari* hai mujh pe tere bin,
Main bhool betha hoon apne aap ko jana,
Teri ajaara-daari* hai mujh pe tere bin,
Sadaa guzaaron kese bahaar ke din mein,
Yeh zarb* yeh bhi kaari* hai mujh pe tere bin..

 

[*Sarlaa*]

Na jane phir bhi kyun acha laga hai,
Agarchey zakham bhi gehraa laga hai,
Koi bichrra hai jaaney phir kisi se,
Suna hai aaj phir mela laga hai,
Raha haayel hamarey darmeyaan jo,
Mujhe woh faasla acha laga hai,
Main kyun na saadgi se us ko keh doon,
Mujhe woh shakhss kyun pyaara laga hai,
Unhe jiss baat ki parwaah nahin hai,
Mujhe us baat ka dharrka laga hai,
Ghiraa betha hai jo yaaron mein Khawar,
Mujhe woh aadmi tanhaa laga hai..

 

[*Sarlaa*]

Ragon mein khoon khaya ja raha hai,
Mujhe shayed bhulaaya ja raha hai,
Parri aangan mein mere dhoop aese,
Pas-e-deewar saaya ja raha hai,
Milaawat jab se jazbon mein hui hai,
Haqeeqat ko chupaaya ja raha hai,
Arey kyun ro diye tum mujh pe aese,

 

[*Sarlaa*]

Yeh dil ka rog yeh chahat, khuda kisi ko na de,
Buri balaa hai mohabbat, khuda kisi ko na de,
Tarrap, junoon, yeh ruswaayiyan, akela pan,
Qadam qadam pe museebat, khuda kisi ko na de,
Zaroori hai to bohat zindagi mein ishq magar,
Yeh jaan-leva zaroorat khuda kisi ko na de,
Jo chott tu ne mujhe di, koi na de tujh ko,
Yeh bewafaayi ki aadat khuda kisi ko na de..

 

[*Sarlaa*]

Karke jafaa wo puchte hai haal hai kaisa,
Andaaz ye kaisa hai ye sawaal hai kaisa…
Wo tere kabhi they hi nahi unka tu na tha,
Unke yun ruth jaanese malaal hai kaisa,
Har baat bata deti hai khamoshi se mujhko,
Aankho me mere yaar ki kamaal hai kaisa,
Sholay jo uth rahe hai bagawat ke aajkal,
Hai koi kisi ka nahi ye saal hai kaisa,
Agar tu nahi qaatil to sharik-E-gunaah to hai,
Tu itna bata chehra tera laal hai kaisa,
Murdey ki akarr deta hai zindon ko kayi baar,
Karta hai amiron ko aseer ye maal hai kaisa,
Me to shikaar unke khayalon ka hun ‘Anees’,
Wajood me unke nihaa.n ye jaal ye kaisa,

 

[*Sarlaa*]

Mohabbat ab tijarat ban gai hai,
Tijarat ab mohabbat ban gai hai,
Kisi se khelna phir chor dena,
Khilaono ki tarha dil tor dena,
Haseeno ki ye adat ban gai hai,
Kabhi tha naam iska bewafai,
Magar ab aaj kal behayaai,
Sharifon ki sharafat ban gai hai,
Kisi mandir ki moorat thi kabhi ye,
Bari khoobsurat thi kabhi ye,
Magar kya iski soorat ban gai hai,
Mohabbat ab tijarat ban gai hai,
Tijarat ab mohabbat ban gai hai..

 

[*Sarlaa*]

Marhale shoq ke dushwaar hua karte hain,
Saaye bhi raah ki diwaar hua karte hain,
Wo jo sach bolte rehne ki kasam khaate hain,
Wo adaalat mein gunaah-gaar hua karte hain,
Sirf haathon ko na dekho kabhi aakhen bhi parho,
Kuchh sawaali bade khuddaar hua karte hain,
Wo jo pathar yuunhi raste mein pade rehte hain,
Un ke seene mein bhi shaah-kaar howa karte hain..

 

[*Sarlaa*]

Bas yunhi umeed dilatey hain zamaney waley,
Laut kar to naheen aatey hain jaaney waley,
Mohabbat to lagti hai bheek ki maanind,
Khud hi nibhaatey hain nibhaney waley,
Kya zulm ka manzar hai ya khawb hai yeh,
Afsos bhi karte hain ghar jalaney waley..

 

[*Sarlaa*]

Vaada kar lete hain nibhaana bhool jatey hain,
Laga kar dil mein aag bhujaana bhool jatey hain,
Mein to khoob tayaari karti hoon sab sajaaa kar,
Magar woh ain’waqt per aana bhool jatey hain,
Main jo yaad kar loon jawaab sab sawaalon ke,
Imtihaan nahin lete aazmaana bhool jatey hain..

 

[*Sarlaa*]

Jamaa tum ho nahi sakte,
Mujhe manfi se nafrat hai,
Tumhein takseem karta hon,
To haasil kuch nahi aata,
Koi qaaida, koi kuliyaa,
Na laagu tujh pe ho paaye,
Zarab tujh ko agar doon to ,
Hisabon mein khallal aaye,
Ikaayi ko, dahaayi par,
Mein doon nisbat to kaise doon?
Na qaalib ki tarha tum ho,
Na al-jabra se lagte ho,
Umer ye katt gayi meri,
Tujhe humdam samjhne mein,
Jo hall tera agar nikle,
To sab kuch hi ulajh jaye,
Sifar thi ibtidaa teri,
Sifar hi ab talak tum ho,

 

[*Sarlaa*]

Kuch khud bhi thy afsurda se,
Kuch log bhi hum se rooth gaye,
Kuch khud bhi zakhm k aadi thy,
Kuch sheeshy hath se toot gaye,
Kuch khud bhi thy hassas bohat,
Kuch apny muqaddr rooth gaye,
Kuch khud bhi itny mohtat na thy,
Kuch log bhi humko loot gaye,
Kuch talkh haqiqatyn theen itni,
Ke khwab hi sarey toot gaye..

 

[NXXXS]

Kaajal, Aankhain, Zulfain, Jhumke, Chehra, Bindiya,
Haaye Dil Haar Gaye Hum Tujhe Be-Naqaab Dekh Kar…!

 

[NXXXS]

Moqa jisay mila woh peeta chala geya,
Shayed bohat mithaass hamare hahuu me thi..

 

[NXXXS]

 

[NXXXS]

Zikr us ka hi sahi bazm mein betho to Faraz,
Dard kaisa hi uthay haath na dil pe rakhnaa