My Ghazls ' Collections

[*Sarlaa*]

Kahani dard ki main zindagi se kiya kehta,
Ye dard us ne diya hai usi se kiya kehta..
Gila to mujh ko bhi kerna tha piyaas ka lekin,
Jo khud hi sookh gayi us nadi se kiya kehta..
Mere apnay hi mujh ko samajh na paye kabhi,
Me aapna haal kisi ajnabi se kiya kehta..
Andheri raat ne mujhko bohot sataya hai,
Bhala ye baat main ab roshni se kiya kehta..
Tamaam shehr me jhoot ka raaj tha shayed,
Main apne ghum ki haqeeqat kisi se kiya kehta ….!
…

 

[*Sarlaa*]

Apne Haathon Ki Lakeeron Mein Basaa Le Mujhko
Mein Hun Tera Naseeb Apna Bana Le Mujhko
Mujh Se TU Poochnay Aaya Hai Wafa Ke Maainay
Ye Teri Saada-Dili Maar Na Daalay Mujhko
TU Ne Dekha Nahee Aainay Se Aagay Kuch Bhee
Khuda Parasti Mein Kaheen TU Na Ganwa Le Mujhko
Khud Ko Mein Baant Na Daalon Kaheen Daaman Daaman
Kar Dia TU Ne Agar Mere Hawaalay Mujhko
Baadaah Phir Baadaah Hai Mein Zeher Bhee Pee Jaon Qateel
Shart Ye Hai Koi Baanhon Mein Sambhaalay Mujhko
…

 

[*Sarlaa*]

Apni Ankhoon Kay Sabhi Ashk Sula Kar Soona
Tum Meri Yaad Ka Har Deep Bujhaa kar Soona,
Ek Sitara Bhi Mere Khayal ka Baqi Na Rahe
Chandni Shaab Kay Nishanat Mita Kar Soona,
Darr Laga Rehta Hai Neendin Hi Kahin Cheen Na Le
Tera Yeh Roz Meray Khuwaboon Main Akar Soona,
Baad Main Log Gira Dain Tu Koi Baat Nahi
Har Taraf Piyar Ki Deewar Utha kar Soona,
Bhool Jaaoge Zamanay Kay Sabhi Ranj-o-Alam
TUm Meri Baahoon Ki Zanjeer Mein Akar Soona,
Subah Hote Hi Tere Saher Sat Jaana Hai Mujhe
Aaj Ki Raat Zaraa Muj Ko Mitaa kar Soona,
Yaad Hain Aaj Bhi Woh Qarb Ki Ghariyaan
Uski Agoosh Main Sir Apna Chupa Kar Soona
…

 

[*Sarlaa*]

Jisay aks aks ganva diya,
Kabhi rubaru thi mere liye,
Jisay naqsh naqsh bujha diya,
Kabhi char-su thi mere liye,
Jo had e hawa say bhi door hai,
kabhi kubaku thi mere liye,
Jo tapish hai moj e sarab ki,
Kabhi aabju thi mere liye,
Jisay AAP likhta hoon khat main ab,
Kabhi sirf tu thi mere liye..

 

[*Sarlaa*]

Usay Bhula Doon, Magar Hosla Kahaan Mujh Mein
Woh Mere Khoon Ki Tarah Hai Rawaan Dawaan Mujh men,
Yeh Be Sabab To Nahi Mujh Men Girya-o-Zaari
Koi To Rehta Hai Har Waqt Noha Khwaan Mujh Men,
Bas Ek Zalzala Aaya Tha Aur Guzar Bhi Giya
Magar Woh Chor Giya Hai Kai Nishaan Mejh Men,
Azeez Itna Bhi Kiyon Hai Sakoot-e-Shaam-e-Alam ??
Kahaan Se Aaie Hain Itni Udasiyan Mujh Men ??
Kabhi Main Dard K Darya Men Doob Jata Hoon
Kabhi Yeh Dard Uatarta Hai Meri jaan Mujh Men,
Ye Kon Baant Giya Mujh Mein Ronaqain Apni ??
Yeh Kon Kar Giya Abaad Ek Jahaan Mujh Mein ??
Main Jab Bhi Haath barhane Lagta Hoon Gulon Ki Taraf
To Urne Lagti Hain “Shamsheer” Titliyaan Mujh Mein.
…

 

[*Sarlaa*]

Khaak Dil Ka Diyaar Kar Daala
Phir Se Seena Fugaar Kar Daala
Aur Kitnay Diye Jalao Ge ?
Ghar Ko Tum Ne Mazaar Kar Daala
Phir Hawaaon Se Dosti Karli
Phir Se Dil Daagdaar Kar Daala
Ye Mohabbat Thi Khaas Shay Jis Ka
Tum Ne Kaarobaar Kar Daala
Phir Se Dil Haath Se Gaya Dekho
Phir Mohabbat Ka Waar Kar Daala ???
Wo Jo Basti Basaa Ke Bhool Gaya
Hum Ne Tou Os Se Pyaar Kar Daala
Dil Ko Pehluu Mein Le Le Ke Phirta Hai
Keh Raha Tha Nisaar Kar Daala
Tum Ne Furqat Ke Saaray Lamhon Ko
Zindagi Mein Shumaar Kar Daala
Jo Hawaon Pe Pair Rakhtay Thay
Khaak Ne Khaaksaar Kar Daala
Hum Ne Khusbuu Ki Justuju Mein Batool
Kiun Muqaddar Ko Daar Kar Daala ?
Ab Na Aaya Tou Phir Balaa Se Batool
Hum Ne Tou Intezaar Kar Daala……..!
…

 

[*Sarlaa*]

Jo khawb tumhare hi dekhti hain,
Abhi meri woh ankhain baaki hain,
Suno, Mohabbat mar nahin sakti,
Ab tak bikhri sansain baaki hain,
Thak gaye abhi se ho tum kaise,
Hijar mein katni ratain baaki hain,
Ik baar humain phir se milna hai,
Abhi adhoori kuch batain baaki hain,
Hisaab ratjagon ka rehne de Aashir,
Ke shidtain aur chahtain baaki hain..
…

 

[*Sarlaa*]

Kiya Kiya Na Khawab Hijar K Mosam Mein Kho Gaye
Hum Jaagte Rahe Thay Magar Bakht So Gaye,
Us Ne Pyaam Bheje To Raste Mein Reh Gaye
Hum Ne Jo Khat Likhe Woh Hawaa Burd Ho Gaye,
Main Shaher-e-Gul Mein Zakham Ka Chehra Kise Dekhaon?
Shbnam Badast Log To Kaante Chabho Gaye,
Anchal mein Phool Le K Kahaan ja Rahi Hoon Main
Jo Aane Waale Log Thay, Woh Log To Gaye,
Kiya Jaane Ufaq Kau Udhar Kiya Tilsam Hai
Laote Nahi Zameen Par Ek Baar Jo Gaye,
Woh Bachpane Ki Neend To Ab Khawab Ho Gai
Kiya Umar Thi K Raat Howi Aur So Gaye,
Kiya Dukh Thay, Kon Jaan Sakega Nighar-e-Shab
Jo Mere Aur Tere Dopattay Bhego Gaye.
…

 

[*Sarlaa*]

Beeti huyi ruton mein kho sa gaya hoon,
Chale aao ke teri yaad mein mar sa gaya hoon,
Teri kalaam karti ankhen, Tera muskurata chehra,
Un ki deed ko ab mein taras sa gaya hoon,
Woh aik pal ka milna dushwaar kar gaya mujhko,
Ke bagher ab tere mein toot sa gaya hoon,
Tere bicharne ki duhaayi doon ya bhula doon tujhko,
Tujhe yaad karte karte ab thak sa gaya hoon..
…

 

[*Sarlaa*]

Woh Ziddi Tha Bohat Magar!
Meri Eltijaon Pe Maan Jata Tha!
Meri Har Baat Pe Woh inkaar Karta!
Magar Meri Zidd Pe Woh Haar Jata Tha!
Woh Mujh Ko Hamesha Ajnabi Hi Kehta Tha!
Magar Doston Ki Tarha Hi Rakhta Tha!
Woh Tark-e-talluk Ka khawaan To nahi Tha!
Magar Raabtay Bhi Kam Rakhta Tha!
Meri Hansi Usay Buri Lagti Thi!
Magar Mujhe Woh Rota Bhi nahi Dekh Sakta Tha
Jis K intezar Main Khud Ko Bhula Diya!
Woh Hamesha Mujhe Pagal kaha karta Tha..
…

 

[*Sarlaa*]

Mein gurez kya karta us ke sath chalne se,
Zakham to nahin bharta raaste badalne se,
Ishrat shabana to yaar ki razaa se hai,
Yeh khushi nahin milti sirf sham dhalne se,
Aarzuu ki chingaari kab tak sulag sakti,
Bujh gaya hai dil akhir bar bar jalne se,
Zindagi ka har mohra be-rukhi ke rukh par hai,
Yeh bisaat ultey gi aik chaal chalne se,
Doobta hua suraj kya mujhe ujaaley ga,
Main chamak uthoon shayed chand ke nikalne se..
…

 

[*Sarlaa*]

Main azal ki shaakh se toota hua,
Phir raha hoon aaj tak bhatka hua,
Dekhta rehta hai mujhe ko raat din,
Koi apne takht per betha hua,
Chand taare dur peechey reh gaye,
Main kahan par agaya urta hua,
Band khirki se hawaa ati rahi,
Aik sheesha tha kahin toota hua,
Khirkiyon mein, Kaghzon mein, Maiz per,
Saarey kamre mein hai woh phelaa hua,
Apne maazi ka samundar chaaniye,
Ik khazaana hai yahan dooba hua,
Doston ne kuch sabak aese diye,
Apne saaye se bhi hoon sehma hua,
Kis ki aahat atey atey ruk gayi,
Kis ne mera saans hai roka hua?
…

 

[*Sarlaa*]

Muddat se jis k waastey dil beqarar tha,
Wo lout kr na aaya magr intzaar tha,
Jo humsafar tha chhor gaya raah main mujhe,
Mai phas gaya bhanwar main or wo darya k paar tha,
Manzil qareeb aai to tum door ho gaye,
Itna tou tum batao k ye kaisa pyar tha? ??
Deewar bana di ye kis ne dono k darmyan,
Na wo sukon se betha na mujhko qarar tha,
Ye baat umer bhar samajh na paya “mohsin”
Kiun dil mera us wafadr ka talbgaar tha..!
…

 

[*Sarlaa*]

Tanha hai meri zaat kaheen se ajao,
Sun lo meri baat kaheen se ajao,
Dushman bazi jeet raha hai chupke se,
Hone ko hai maat kaheen se ajao,
Kachi entain our imarat garey ki,
Our us per barsat kaheen se ajao,
Dil ki basti per hai khof andheron ka,
Ho jaey na raat kaheen se ajao,
Kachi umerain us per khowab mohabat ke,
Kiya kiya hain jazbat kaheen se ajao,
Ankhen rasta dekh rahi hain mudat se,
gardish main hain halat kaheen se ajao,
Mosam mosam log badaltey hain ”khowahish”,
Dil pe r hain sadmat kaheen se ajao….
…

 

[*Sarlaa*]

Yad karke mujhe taklif he hoti hogi,
Aik qisa hoon purana sa bhula de mujhko.
Doobte doobte awaz teri sun jaun.
Akhri baar tu sahil se sada de mujhko.
Main tere hijr main chup chaap na mar jaun kahin.
Main hoon sakte main kabhi aake rula de mujhko.
Dekh main hogaya badnam kitabon ki tarah.
meri tasheer na kar ab tu jala de mujhko.
Roothna tera meri jaan lie jata hai.
Aese naraz na ho haske dikhade mujhko.
Aur kuch bhi nahi manga mere malik tujhse.
Uski galion main pari khak banade mujhko.
Log kehte hain ke ye ishq nigal jata hai.
Main bhi is ishq mani aya hun, dua de mujhko.
Yahi oqat hai meri tere jeevan main ke main.
Koi kamzor sa lamha hun. bhulade mujhko.
…

 

[*Sarlaa*]

Main bikhra howa hon jaga jaga mujh sai koe na tu sawal kar
Meri kirchiyan hain chahar soo inn pai rakh tu paon sambhal kar
Koe zakham ore na dai mujhay main hazar tookron main hon para
Meray jism-o-jaan k hijaab ko na apnay haathon paamal kar
Main rang-e-duniyan main thha bassa jab teri husti sai dooor thha
Yun smait lee main nay zindagi teray aik gham ko paal kar
Meray hum nafas mujhay dai saza teray payar main hon mubtila
Kochh teer dil per tu chala kochh ore seenay ko laal kar
Kabhi rasm-e-ulfat bhe tu nibah koe muskuraaiy tau muskura
Kabhi gham zadon ke khabar bhe laiy ashaq aphni ankhon main daal kar
Meray paishwar meray hum sufer dooor ja na mujh ko chhor kar
Main bhattuk raha hon idher udher mujhay ore tu na bay haal kar
Rehay charagar shaukat judda yunhi umer beeti khafa khafa
Ye rabt-e-ulfat ka khail thha na dil ko apnay nidhaal kar

 

[*Sarlaa*]

Dil-o-Dimaag ko Ro Loongaa Aah Kar Loongaa
Tumhaare Ishq Mein Sab kuch Tabah Kar Loongaa,
Agar Mujhe Na Milein Tum Tumhaare Sar ki Qasam
Main Apni Saari Jawaani Tabaah Kar Loongaa,
Mujhe Jo Dair-o-Haram Mein kaheen Jagah Na Mili
Tere Khiyaal Hi ko Sajdaagaah Kar Loongaa,
Jo Tum Se kar Diyaa Mehroom Aasmaan Ne Mujhe
Main Apani Zindagi Sarf-e-Gunaah Kar Loongaa,
Raqeeb Se Bhi Milongaa Tumhaare Hukm Pe Main
Jo Ab Talak Na kiyaa Thaa Ab Aah Kar Loongaa,
Tumhaari Yaad Mein Main kaat Doongaa Hashr K Din
Tumhaare Hijr Mein Raaten Siyaah kar Loonga,
Hareem-e-Hazrat-e-Salamaa ki Simt Jaataa Hoon
Howa Na zabt To Chupake Se Aah Kar Loongaa,
Yeh Naubahaar Yeh Abr-o-Hawaa Yeh Rang-e-Sharaab
Chalo Jo Ho So Ho Ab To Gunaah Kar Loongaa,
kisi Haseenaa Kay Masoom Ishq Mein “Akhtar”
Jawaani kiya Hai Main sab kuch Tabah Kar Loongaa.
…

 

[*Sarlaa*]

Ik Yehi Roshni Imkaan Mein Hai
TU Abhi Tak Dil-e-Veeran Mein Hai
Shor Barpa Hai Teri Yaadon Ka
Ronaq-e-Hijr Bayabaan Mein Hai
Pyaar Aur Zindagi Se Lagta Hai
Koi Zinda Dil Be-Jaan Mein Hai
Aaj Bhi Tere Badan Ki Khushbu
Tere Bhaijay Howay Guldaan Mein Hai
Zindagi Bhi Hai Meri Aankhon Mein
Mout Bhee Deeda-e-Hairaan Mein Hai
Dil Abhi Niklaa Nahi Seenay Se
Ik Qaidi Abhi Zindaan Mein Hai
…

 

[*Sarlaa*]

Mujh Ko Bhi, Bewafa Samajhta Hai
Jaanay Wo Khud Ko Kia Samajhta Hai ?
Mein Tou Manzil Samajhta Hun Osko
Wo Mujhe Raasta Samajhta Hai
Zakham Apna Dikha Raha Hun Ose
Jo Namak Ko Dawaa Samajhta Hai
Had Tou Ye Hai Ke Bhaint Charh Ke Bhi
Dil Ose Devtaa Samajhta Hai
Mera Mayaar Jag Mein Hai Hee Kahan ?
Jag Mujhe, Paarsa Samajhta Hai
Yaani ! Itna Sitam Tou Seh Lega ?
Jitna Sab Per Rawaa Samajhta Hai
Osko Ehraam-e-Misar Dikhlao
Jo Bhi Khud Ko Khudaa Samajhta Hai
Aaj Ke Dour Mein Jafaa Ko Janaab
Sirf Paagal, Jafaa Samajhta Hai
Aqal Mand Aadmi, Mohabbat Ko
Aqal Se Maawra Samajhta Hai
Qais Ka Kia Banay Ga, Laila Ko ?
Aakhri Aasra Samajhta Hai……..!
…

 

[*Sarlaa*]

Mujh Ko Bhi, Bewafa Samajhta Hai
Jaanay Wo Khud Ko Kia Samajhta Hai ?
Mein Tou Manzil Samajhta Hun Osko
Wo Mujhe Raasta Samajhta Hai
Zakham Apna Dikha Raha Hun Ose
Jo Namak Ko Dawaa Samajhta Hai
Had Tou Ye Hai Ke Bhaint Charh Ke Bhi
Dil Ose Devtaa Samajhta Hai
Mera Mayaar Jag Mein Hai Hee Kahan ?
Jag Mujhe, Paarsa Samajhta Hai
Yaani ! Itna Sitam Tou Seh Lega ?
Jitna Sab Per Rawaa Samajhta Hai
Osko Ehraam-e-Misar Dikhlao
Jo Bhi Khud Ko Khudaa Samajhta Hai
Aaj Ke Dour Mein Jafaa Ko Janaab
Sirf Paagal, Jafaa Samajhta Hai
Aqal Mand Aadmi, Mohabbat Ko
Aqal Se Maawra Samajhta Hai
Qais Ka Kia Banay Ga, Laila Ko ?
Aakhri Aasra Samajhta Hai……..!
…