Nazam Collection

[Wasif Safi]

aise to ko_ii jii ko banaataa nahii.n patthar
bevajah to kabhii haath me.n aataa nahii.n patthar


Darataa hai apanaa hii ghar zad me.n na aaye
ek shaKhs andhere me.n chalaataa nahii.n patthar


kuchh shiishaa_badan logo.n me.n tajviiz yahii thii
diivaanaa tere shahar me.n khaataa nahii.n patthar


ye baat mere dil ko lagii sab se bhalii baat
diivaanaa divaane pe uThaataa nahii.n patthar

 

[Wasif Safi]

aa.Nkh se aa.Nkh milaa baat banaataa kyuu.N hai
tu agar mujhase Khafaa hai to chhupaataa kyuu.N hai


Gair lagataa hai na apano.n kii tarah milataa hai
tu zamaane kii tarah mujhako sataataa kyuu.N hai


vaqt ke saath haalaat badal jaate hai.n
ye haqiiqat hai magar mujhako sunaataa kyuu.N hai


ek muddat se jahaa.N kaafile guzare hii nahii.n
aisii raaho.n pe charaaGo.n ko jalaataa kyuu.N hai

 

[Wasif Safi]

aa.Nkh jab ba.nd kiyaa karate hai.n
saamane aap huaa karate hai.n


aap jaisaa hii mujhe lagataa hai
Khvaab me.n jis se milaa karate hai.n


tuu agar chho.D ke jaataa hai to kyaa
haadase roz huaa karate hai.n


naam un kaa na ko_ii un kaa pataa
log jo dil me.n rahaa karate hai.n


hamane ’rahi’ kaa chalan sikhaa hai
ham akele hii chalaa karate hai.n

 

[Wasif Safi]

raaz kii baate.n likhii aur Khat khulaa rahane diyaa
jaane kyo.n rusavaa_iio.n kaa silasilaa rahane diyaa


umr bhar mere saath rahakar vo na samajhaa dil kii baat
do dilo.n ke daramiyaa.N ik faasalaa rahane diyaa


apanii fitarat vo badal paayaa na isake baavajuud
Khatm kii ra.njish magar gilaa rahane diyaa


mai.n samajhataa thaa Khushii degii mujhe "Sabir" fareb
is liye mai.n ne Gamo.n se raabataa rahane diyaa

 

[Wasif Safi]

ek brahmaNn ne kahaa hai ke ye saal achchhaa hai


zulm kii raat bahut jald Talegii ab to
aag chuulho.n me.n har ik roz jalegii ab to
bhuuk ke maare ko_ii bachchaa nahii.n royegaa
chain kii nii.nd har ik shaKhs yahaa.N soyegaa
aa.Ndhii nafarat kii chalegii na kahii.n ab ke baras
pyaar kii fasal ugaa_egii zamii.n ab ke baras
hai yahii.n ab na ko_ii shor-sharaabaa hogaa
zulm hogaa na kahii.n Khuun-kharaabaa hogaa
os aur dhuup ke sadame.n na sahegaa ko_ii
ab mere desh me.n beghar na rahegaa ko_ii


naye vaado.n kaa jo Daalaa hai vo jaal achchhaa hai
rahanumaao.n ne kahaa hai ke ye saal achchhaa hai


dil ke Khush rakhane ko Ghalib ye Khayaal achchhaa hai

 

[Wasif Safi]

aap se gilaa aap kii qasam
sochate rahe.n kar na sake ham


us kii kyaa Khataa ladavaa hai Gam
kyuu.N gilaa kare.n chaaraagar se ham


ye navaazishe.n aur ye karam
fart-w-shauq se mar na jaaye ham


khe.Nchate rahe umr bhar mujhe
el taraf Khudaa ek taraf sanam


ye agar nahii.n yaar kii galii
chalate chalate kyuu.N ruk gaye qadam

 

[Wasif Safi]

aaj phir un kaa saamanaa hogaa
kyaa pataa us ke baad kyaa hogaa


aasamaa.N ro rahaa hai do din se
aap ne kuchh kahaa sunaa hogaa


do qadam par sahii teraa kuuchaa
ye bhii sadiyo.n kaa faasalaa hogaa


ghar jalataa hai raushanii ke liye
ko_ii mujhasaa bhii dil jalaa hogaa

 

[Asma Shah]

Diya Jalana….!
​

​

​

Mai janta hun ke ab chaton par​

​

​

Diye jalane ki rasam baqi nahi rahi hai​

​

​

Magar tumhe meri yaad aye​

​

​

To yaad rakho….!​

​

​

Tum apni aankhon se​

​

​

Aansuoon ke chamakte moti na girne dena​

​

​

Bas itna karna​

​

​

Ke apni chat par​

​

​

Meri mohabbat ki nazm gaa kar​

​

​

Meri rafaqat ko yaad kar ke​

​

​

Diya jalana​

​

​

Tum apni chat par kisi bhi kone mai beth kar​

​

​

Ik diya jalana…….!​

​

​

(Wasi Shah)

 

[Asma Shah]

Jo Meri Aankhon Se Khuwab Dekho​

​

​

Jo meri aankhon se khuwab dekho​

​

​

To ek shab bhi na so sako ge​

​

​

Ke laakh chaho na hans sako ge​

​

​

Hazar chaho na ro sako ge​

​

​

Ke khuwab kiya hain azaab hain yeh​

​

​

Mere dukhon ki kitaab hain yeh​

​

​

Rifaaqaten in mai chot’ti hain​

​

​

Mohabbaten in mai roothti hain​

​

​

Panapti hain in mai wehshaten si​

​

​

Azeeayaten in mai phoot’ti hain​

​

​

Inhi ke dar se khizaan hain jazbe​

​

​

Inhi se shaakhen si toot’ti hain​

​

​

Ghamon ki bandish hain khuwab mere​

​

​

Dukhon ki barish hain khuwab mere​

​

​

Ubal raha hai dukhon ka laawa​

​

​

Raheen-e-aatish hain khuwab mere​

​

​

Khayal saare jhulas gaye hain​

​

​

Sulagti khuwahish hain khuwab mere​

​

​

Ukharti saansen hain zindagi ki​

​

​

Lahoo ki saazish hain khuwab mere​

​

​

Jo meri aankhon se khuwab dekho​

​

​

To ek shab bhi na so sako ge
​

​

​

(Wasi shah)​

​

​

 

[Wasif Safi]

tere jalave ab mujhe har suu nazar aane lage
kaash ye bhii ho ke mujh me.n tuu nazar aane lage


ibtadaa ye thii ke dekhii thii Khushii kii ek jhalak
intahaa ye hai ke Gam har suu nazar aane lage


beqaraarii ba.Dhate ba.Dhate dil kii fitarat ban gaii
shaayad ab taskiin kaa pahaluu nazar aane lage


Khatm karade ae ’Sabaa’ ab shaam-e-Gam kii daastaa.N
dekh un aa.Nkho.n me.n bhii aa.Nsuu nazar aane lage

 

[Wasif Safi]

gulashan kii faqat phuulo.n se nahii.n kaa.NTo.n se bhii ziinat hotii hai
jiine ke liye is duniyaa me.n Gam kii bhii zaruurat hotii hai


ai vaa_iz-e-naadaan karataa hai tuu ek qayaamat kaa charchaa
yahaa.N roz nigaahe.n milatii hai.n yahaa.N roz qayaamat hotii hai


vo purasish-e-Gam ko aaye hai.n kuchh kah na sakuu.N chup rah na sakuu.N
Kaamosh rahuu.N to mushkil hai kah duu.N to shikaayat hotii hai


karanaa hii pa.Degaa zabt-e-alam piine hii pa.De.nge yah aa.Nsuu
fariyaad-o-fuGaa.n se ai naadaan tauhiin-e-mohabbat hotii hai


jo aake ruke daaman pe ’sabaa’ vo ashq nahii.n hai.n paanii hai
jo aa.Nsuu na chhalake aa.Nkho.n se us ashq kii qiimat hotii hai

 

[Wasif Safi]

jahaa.N phuulo.n ko khilanaa thaa vahii.n khilate to achchhaa thaa
tumhii.n ko ham ne chaahaa thaa tumhii.n milate to achchhaa thaa


ko_ii aakar hame.n puuchhe tumhe.n kaise bhulaayaa hai
tumhaare Khat ko ashko.n se shab-e-Gam me.n jalaayaa hai
hazaaro.n zaKhm aise hai.n agar silate to achchhaa thaa


tumhe.n jitanaa bhulaayaa hai tumharii yaad aa_ii hai
bahaar-e-nau jo aa_ii hai vo hii Khushbuu laa_ii hai
tumhare lab merii Khaatir agar hilate to achchhaa thaa


milaa hai lutf bhii ham ko hasii.n yaado.n kii jhil-mil me.n
kaTatii hai zindagii tum bin magar itanii sii hai dil me.n
agar tum aate to achchhaa thaa agar milate to achchhaa thaa

 

[Wasif Safi]

tere nisaar saaqiyaa jitanii piyuu.N pilaaye jaa
mast nazar kaa vaastaa mast mujhe banaaye jaa


tujhako kisii se garaz kyaa bijalii kahii.n giraaye jaa
dil jale yaa jigar jale tuu yuu.N hii muskuraaye jaa


saamane mere aa ke dekh ruKh se naqaab haTaa ke dekh
khilaman-e-dil hai mu.ntazair barq-e-nazar giraaye jaa


’Wafa’-e-badanasiib ko baKhshaa hai tuune dard jo
hai ko_ii is kii bhii davaa itanaa zaraa bataaye jaa

 

[Wasif Safi]

kyaa Khabar thii is tarah se vo judaa ho jaayegaa
Khvaab me.n bhii us kaa milanaa Khvaab saa ho jaayegaa


zindagii thii qaid hame.n kyaa nikaaloge us se
maut jab aa jaayegii to Khud rihaa ho jaayegaa


dost banakar us ko chaahaa, ye kabhii sochaa na thaa
dostii hii dostii me.n vo Khudaa ho jaayegaa


us kaa jalvaa hogaa kyaa jisakaa ke pardaa nuur hai
jo bhii us ko dekh legaa vo fidaa ho jaayegaa

 

[Wasif Safi]

aap aaye janaab baraso.n me.n
hamane pii hai sharaab baraso.n me.n


phir se dil kii kalii khilii apanii
phir se dekhaa sabaab baraso.n me.n


tum kahaa.N the kahaa.N rahe saahib
aaj hogaa hisaab baraso.n me.n


pahale naadaa.N the ab huye daanaa
unako aayaa aadaab baraso.n me.n


isii ummiid pe mai.n zi.ndaa huu.N
kyaa vo de.nge javaab baraso.n me.n

 

[Wasif Safi]

tamannaao.n ke bahalaave me.n aksar aa hii jaate hai.n
kabhii ham choT khaate hai.n kabhii ham muskuraate hai.n


ham aksar dosto.n kii bevafaa_ii sah to lete hai.n
magar ham jaanate hai.n dil hamaare TuuT jaate hai.n


kisii ke saath jab biite hue lamho.n kii yaad aa_ii
thakii aa.Nkho.n me.n ashko.n ke sitaare jhil-milate hai.n

 

[Asma Shah]

Kask Mai Tere Haseen Hath Ka Kangan Hota​

​

​

Tu Bare Pyaar Se, Chao Se, Bare Maan Ke Saath​

​

​

Apni Nazuk Si Kalaii Mai Charhaati Mujh Ko​

​

​

Aur Be-Taabi Se Furqat Ke Khizaan Lamhon Mai​

​

​

Tu Kisi Soch Mai Doobi Jo Ghumati Mujh Ko​

​

​

Mai Tere Haath Ki Khushboo Se Mehek Sa Jata​

​

​

Jab Kabhi Mood Mai Aa Kar Mujhe Chuma Karti​

​

​

Tere Honton Ki Mai Hiddat Se Dehek Sa Jata​

​

​

Raat Ko Jab Bhi Tu Nendon Ke Safar Par Jati​

​

​

Marmareen Haath Ka Ik Takiya Banaya Karti​

​

​

Mai Tere Kaan Se Lag Kar Kai Baaten Karta​

​

​

Teri Zulfon Ko Tere Gaal Ko Chuma Karta​

​

​

Jab Bhi Tu Band Qiba Kholne Lagti Janaa​

​

​

Apni Ankhon Ko Tere Husn Se Kheera Karta​

​

​

Mujh Ko Be-Taab Sa Rakhta Teri Chahat Ka Nasha​

​

​

Mai Teri Rooh Ke Gulshan Mai Mehekta Rehta​

​

​

Mai Tere Jism Ke Aangan Mai Khanakta Rehta​

​

​

Kuch Nahi To Yahi Be-Naam Sa Bandhan Hota​

​

​

Kash Mai Tere Haseen Hath Ka Kangan Hota​

​

​

​

​

​

(Wasi shah)​

​

​

 

[Asma Shah]

Kasak
​

​

​

Mujh Se Wo Aksar Kehti Thi​

​

​

Meri Bas Itni Khuahish Hai​

​

​

Kuch Aese Pehchani Jaaon​

​

​

Aap Ke Naam Se Jani Jaaon!​

​

​

 

[Asma Shah]

Khayal rakhna
​

​

​

Adhuri baaten hi zindagi hain​

​

​

Wo guzri baaten hi zindagi hain​

​

​

Agarcha dil ki udaas ujri hui raaton mai​

​

​

Bikhar gai hain​

​

​

Kai zamanon se saari baaten​

​

​

Wo guzri baaten​

​

​

Sulagti shaamon ke jalte bujhte alaao hi mai​

​

​

Pighal gai hain​

​

​

Aduri baaten…….​

​

​

Zaroori baaten​

​

​

Yeh khushk hoti hui raggon ki siyah qabron mai neem-murda​

​

​

Dasi hui khuwahishon ke hamrah​

​

​

Goundhi hui hain​

​

​

Yeh aankh ki putliyon mai thak ke​

​

​

Khatakti palkon pe so gai hain​

​

​

Tamaam baaten durust janaa​

​

​

Tamaam khadshe baja hain lekin​

​

​

Har aik imkaan zindagi mai​

​

​

Ragon mai aur rooh ki zindagi mai​

​

​

Inhi ki yaaden bhatak rahi hain​

​

​

Inhi ke dum se zaeef jazbon, thitharte lafzon​

​

​

Bujhi tamannaon mai ramaq hai​

​

​

Adhuri baaten hi zindagi hain​

​

​

Wo guzri baaten hi zindagi hain​

​

​

Khayal rakhna………..!​

​

​

Adhuri baaten bhula na dena​

​

​

Wo guzri baaten bhula na dena​

​

​

Khayal rakhna​

​

​

Khayal rakhna………..!!​

​

​

(Wasi shah)

 

[Asma Shah]

Khuwab Aur Khushboo
​

​

​

Khuwab Aur Khushboo​

​

​

Dono Hi Azada-Ro Hain​

​

​

Dono Hi Qaid Nahi Ho Sakte​

​

​

Mere Khuwab​

​

​

Tumhari Khushboo……!​

​

​

(Wasi Shah)