Nazam Collection

[Asma Shah]

Vaqt ki teez-v-tand hawa ki
Zad main aa kar

Bahut chalay raaston per
Laut kay aane walay

Tu kahan jaaye
Raston kay mausm hotay hain

Yeh bhi Apni apniruth main
Apni apni jagh badltay hain...~

 

[Asma Shah]

Yeh Log...!!!

Khawaishon kii baazaar main pathar
bikne chale aaye hain log

Sheeshaye dil ko dekh kar
Pathar uthaa laye hain log

Aur main to hairaan hon
Aaj kitne shuq say

Mujh ko mittne aaye hain log ...!!!

 

[Asma Shah]

Meri rooh mein jo utar sakein

Wo mohabaton mujhe chahieyen

Jo sarab hun na azab hun

Wo rafaqatein mujhe chahieyen

Unhi sa'aton ki talash hai

Jo calendaron se utar gayin

Jo waqt k sath guzer gayin

Wahi fursatein mujhe chahieyen

Jo meri shabon k charagh the

Jo meri umeedon k bagh the

Wahi log hain meri aarzu

Wahi sooratein mujhe chahieyen...!!!

 

[Asma Shah]

Yeh wafa bhi kya khata hai mujhe sochna parhe ga

Usse mujh se kyun gila mujhe sochna parhe ga

Dil e muztarib hua hai teri yaad se gurezaan

Yeh maqaam kaun sa hai mujhe sochna parhe ga

Woh mile to beqaraari hai na mile to beqaraari hai

Mere Dil ko kya hua hai mujhe sochna parhe ga

Dar -e- Dil pe di hai dastak sahb -e- intezaar kis ne

Koi aashna sada hai mujhe sochna parhe ga

 

[Asma Shah]

yeh chiraagh be-nazar hai yeh sitara be-zubaan hai
abhi tujh say milta julta koii doosra kahaan hai

wohi shakhs jis peh apnay dil-o-jaan nisaar kar doon
woh agar khafaa nahin hai tou zaruur bad-gumaan hai

kabhi paa kay tujh ko khonaa kabhi kho key tujh ko paana
yeh janam janam kaa rishtaa teray meray darmyaan hai

meray saath chalnay walay tujhay kiya mila safar main
wohi dukh bharii zameen hai wohi gham kaa aasmaan hai

main issi gumaan main barSon barrra mutma-in raha hoon
tera jism be-taghyyur, mera pyaar jaavidaan hai

unhiin raaston nay jin per kabhi tum they saath meray
mujhay rok rok poocha tera hum-safar kahaan hai

 

[Asma Shah]

Kabhi Kabhar Bazar Main Yun B To Ho Jata He
Qeemat Theek Thi Jaib Main Itne Daam Nahi The
Aise Hee Ek Bar Main Tum Ko Har Aaya Tha

 

[Asma Shah]

Teri Soorat Jo Bhari Rehti He Aankhon Main Sada
Ajnabi Log B Pehchan,ne Se Lagte Hen Mujhe
Tere Rishte Main To Duniya Hee Paroli Main Ne

 

[Asma Shah]

Sahelii.....

Vo saheli mujhe bahut aziz hai
Mere zaat kay bahut qareeb hai
Meri har achaaii buraaii say ba-khabar hai
Detii hai mujhe jeene ka hosla
Be-luss rafaaqten jis ki

Vo saheli mujhe bahut aziz hai

Naqb laagii jis ne meri zaat main
Hullchall machai mere khayalaat main
Khush fehmiyon ka shikaar thii main
Apni tasuraati duniya main qaid thii main
Ashna kiya ussne haqaqe say mujhe

Vo saheli mujhe bahut aziz hai

Vo meri rafiq saadq hai' vo humdard-v-ghamgusaar hai
Na koi khot na koi laalch hai
Be-shak zindagii ki shahraah per
Vo thore arse ki humsafar hai
Lekin ghamon ki karii dhuup main

 

[Asma Shah]

Mohabat Kon Karta Hai

Bohat Samjhata Hun Dil Ko
Shabon Ko Jaag k Aksar

"Aray Nadaan"

Mohbat Kon Karta Hai
Mohabat Kis Ko Hoti Hai
Sabhe Apni Zarurat Ko
"Mohabat"Naam DetaAy hain.

BahoT samjhata hu dil ko--
K Ab Mehr o Wafa Ki Baat Karna kitna mushkil Hai.

Mohbt Mer Gaye Kab Ki

Mohabat Kon Karta Hai

 

[Asma Shah]

Dukh anmol hotey hain
qudrat ki wadeeat hain
kabhi kuch dey k jaatey hain
kabhi sub cheen laitey hain
kabhi beychain kartey hain
kabhi jeena sikhaatey hain
kabhi bantey hain jub aansoo
umar bhar lahoo rulaatey hain
kabhi lub ki hunsi bun kar
nayi dunya sajaatey hain
kabhi meethi kasak ban kar
anjaani khalish bun kar
makeen-e-dil yeh bantey hain
kisi soorat nahin mit'tey
jo in say door bhaago tou
kaheen jaaney nahin detay
naa zinda rehnay detay hain
naa yeh aazaad kartey hain
nahin jiski dawa koi
yeh aisa dard hotey hain
magar yeh bhi ik haqeeqat hay
hur aik ko to nahin miltey
barey nayaab hotey hain
Dukh anmol hotey hain!!

 

[Asma Shah]

Karkiiyaan bhi roti hain

Karkiiyon kay sheshon per
Rengthay hue qatre Yun pasltay hain jaise
Mere aur badal kay Darmiyankoi hai.... Jo
Mere aur badal kay
Raaz ko samjhta hai Jab gataaen chaaen hain
Sirf vo nahin Royen
Aankhen bhi barsti hain
Karkiyaan bhi rooti hain......

 

[Asma Shah]

Kuch din Pehlay

Hijr musalsal shuru ho gaya
Zindagii ne dard ki bahon main
Iss tarah jhoola diya hai kay
Muskurane ki Arzu nahin rahii
Voh shaks Roshni nahi rahii
Jiss main apne khuwaab dhoondtaa thaa..

​

​

[h=2][/h]

 

[Asma Shah]

Use Kehna ....
Mukamal Kuch Nahi Hota

Milna Bhi Na Mukamal Hai
Judai Bhi Adhoori Hai

Yahan Aik Mot Poori Hai

Use kehna...

Udasi Jab Ragon Main
Khoon Ki Manind Utarti Hai
Bohat Nuqsan Karti Hai

Usey Kehna...

Bisat-E-Ishq Main Jab Mat Hoti Hai
Dukhon K Sheher Main Jab Rat Hoti Hai

Mukamal Bas
Khuda Ki Zat Hoti Hai!!!

​

​

[h=2][/h]

 

[Wasif Safi]

mere jaise ban jaaoge jab ishq tumhe.n ho jaayegaa
diivaaro.n se sar Takaraaoge jab ishq tumhe.n ho jaayegaa


har baat gavaaraa kar loge mannat bhii utaaraa kar loge
taabiize.n bhii ba.Ndhavaaoge jab ishq tumnhe.n ho jaayegaa


ta.nhaa_ii ke jhuule khuule.nge har baat puraanii bhule.nge
aa_iine se tum ghabaraaoge jab ishq tumhe.n ho jaayegaa


jab suuraj bhii kho jaayegaa aur chaa.Nd kahii.n so jaayegaa
tum bhii ghar der se aaoge jab ishq tumhe.n ho jaayegaa


bechainii ba.D jaayegii aur yaad kisii kii aayegii
tummerii Gazale.n gaaoge jab ishq tumhe.n ho jaayegaa

 

[Wasif Safi]

koii paas aayaa savere savere
mujhe aazamaayaa savere savere


merii daastaaa.N ko zaraa saa badal kar
mujhe hii sunaayaa savere savere


jo kahataa thaa kal shab sa.nbhalanaa sa.nbhalanaa
vahii la.Dakha.Daayaa savere savere


kaTii raat saarii merii mayakade me.n
Khudaa yaad aayaa savere savere

 

[Wasif Safi]

tanaa to huaa ai dil ik shaKhs ke jaane se
bichha.De hue milate hai.n kuchh dost puraane se


ek aag hai ja.ngal kii rusavaaii kaa charchaa hai
dushman bhii chale aaye milane ke bahaane se


ab meraa safar ta.nhaa ab us kii judaa manzil
puuchho na pataa us kaa tum mere Thikaane se


roshan hue viiraane Khush ho gayii duniyaa bhii
kuchh ham bhii sukuun se hai.n ghar apanaa jalaane se


rusavaaii to vaise bhii taqadiir hai aashiq kii
zillat bhii milii hamako ulfat ke fasaane se

 

[sweet_c_kuri]

nice..

 

[Asma Shah]

 

[Wasif Safi]

dost ban ban ke mile mujhako miTaanevaale
mai.n ne dekhe hai.n kaii rang badalanevaale


tumane chup rahakar sitam aur bhii Dhaayaa mujh par
tumase achchhe hai.n mere haal pe ha.Nsanevaale


mai.n to iKhalaaq ke haatho.n hii bikaa karataa huu.N
aur ho.nge tere baazaar me.n bikanevaale


aaKharii daur pe salaam-e-dil-e-muztar le lo
phir naa lauTe.nge shab-e-hijr pe ronevaale

 

[Asma Shah]

Zindgai kis tarah bitao gay
Pass jab apnay hume na pao gay
Din me tanhaiyan stayen gay
Rat ko chonk kar uth jao gay
Rat bhr nend q nahi aati
Tum ye khud b na samjh paoo ge
Log pochen gay es tanhai ka sabab
Kaya chopao gay?
Kaya batao gay?
Palken har bar bheeg jayen gi
Jb kabi khul k muskurao ge
Meri yaaden bohat satayen ge
Jab b barish me barish me bheeg jao gay
Khud ko tanha na pa sakogay kabi
Hr jaga mera aks paoo ge