Nazam Collection

[sweet_c_kuri]

zabardast!!!! keep it up!!

 

[Wasif Safi]

hai duaa yaad magar harf-e-duaa yaad nahii.n
mere naGmaat ko a.ndaaz-e-navaa yaad nahii.n


mai.n ne palako.n se dar-e-yaar pe dastak dii hai
mai.n vo saahil huu.N jise ko_ii sadaa yaad nahii.n


mai.n ne jin ke liye raaho.n me.n bichhayaa thaa lahuu
ham se kahate hai.n vahii ahad-e-vafaa yaad nahii.n


kaise bhar aa_ii.n sar-e-shaam kisii kii aa.Nkhe.n
kaise tharraa_e charaaGo.n kii ziyaa yaad nahii.n


sirf dhu.ndhalaa_ii sitaaro.n kii chamak dekhii hai
kab huaa kaun huaa kis se Khafaa yaad nahii.n


zindagii jabr-e-musalasal kii tarah kaTatii hai
jaane kis jurm kii paa_ii hai sazaa yaad nahii.n


aao ik sajdaa kare.n aalam-e-madhahoshii me.n
kahate hai.n ke "Sagar" ko Khudaa yaad nahii.n

 

[Wasif Safi]

ek vaadaa hai kisii kaa jo vafaa hotaa nahii.n
marmarii taaro.n bharii raato.n me.n kyaa hotaa nahii.n


jii me.n aataa hai ulaT de.n un ke chehare se naqaab
hausalaa karate hai.n lekin hausalaa hotaa nahii.n


shamaa jis kii aabaruu par jaan de de jhuum kar
vo patangaa jal to jaataa hai fanaa hotaa nahii.n

 

[Wasif Safi]

ek muddat hu_ii ek zamaanaa huaa
Khaak-e-gulashan me.n jab aashiyaanaa huaa


zulf-e-baraham kii jab se shanaasaa_ii hu_ii
zindagii kaa chalan mujremaanaa huaa


phuul jalate rahe chaa.Nd ha.Nsate rahaa
aarazuu kaa muqammal fasaanaa huaa


daaG dil ke shaha.nshaah ke sikke bane
dil kaa muflis-kadaa jab Khazaanaa huaa


rah_bar ne palaT kar na dekhaa kabhii
rahr-o-raaste kaa nishaanaa huaa


ham jahaa.N bhii gaye zauq-e-sajdaa liye
har jagah aap kaa aasataanaa huaa


dekh mizaraab se Khuun Tapakane lagaa
saaz kaa taar marG-e-taraanaa huaa


pahale hotii thii ko_ii vafaa-paravarii
ab to "SaaGar" ye qissaa puraanaa huaa

 

[Wasif Safi]

dukh dard kii sauGaat hai duniyaa terii kyaa hai
ashko.n se bharii raat hai duniyaa terii kyaa hai


kuchh log yahaa.N nuur-e-sahar Dhuu.NDh rahe hai.n
taariik sii ik raat hai duniyaa terii kyaa hai


paaband-e-mashiyat hai tanaffus bhii nazar bhii
ik jaziyaa-e-lamhaat hai duniyaa terii kyaa hai


taqadiir ke chehare kii shikan dekh rahaa huu.N
aa_iinaa-e-haalaat hai duniyaa terii kyaa hai


majaruuh-e-taqaddus hai taqaddus kii haqiiqat
ruudaad-e-Kharaabaat hai duniyaa terii kyaa hai


"Sagar" me.n chhalakate hai.n samavaat ke isaraar
saaqii kii karaamaat hai duniyaa terii kyaa hai

 

[Wasif Safi]

chhupaaye dil me.n Gamo.n kaa jahaan baiThe hai.n
tumhaarii bazm me.n ham bezabaan baiThe hai.n


ye aur baat ki manzil pe ham pahu.Nch na sake
magar ye kam hai ki raaho.n ko chhaan baiThe hai.n


fuGaa.N hai dard hai soz-o-firaaq-o-daaG-e-alam
abhii to ghar me.n bahut meharabaan baiThe hai.n


ab aur gardish-e-taqadiir kyaa sataayegii
luTaa ke ishq me.n naam-o-nishaan baiThe hai.n


vo ek lafz-e-mohabbat hii dil kaa dushman hai
jise shariat-e-ehasaas maan baiThe hai.n


hai maikado.n kii bahaaro.n se dostii ’Sagar’
baraaye had-e-yaqiin-o-gumaan baiThe hai.n

 

[Wasif Safi]

bhuulii hu_ii sadaa huu.N mujhe yaad kiijiye
tum se kahii.n milaa huu.N mujhe yaad kiijiye


ma.nzil nahii.n huu.N Khizr nahii.n rahazan nahii.n
ma.nzil kaa ra.ntaa huu.N mujhe yaad kiijiye


merii nigaah-e-shauq se har gul hai devataa
mai.n ishq kaa Khudaa huu.N mujhe yaad kiijiye


naGmo.n kii ibtidaa thii kabhii mere naam se
ashko.n kii i.ntahaa huu.N mujhe yaad kiijiye


gum-sum kha.Dii hai.n dono.n jahaan kii haqiiqate.n
mai.n un se kah rahaa huu.N mujhe yaad kiijiye


"Sagar" kisii ke husn-e-taGaaful shaar kii
bahakii hu_ii adaa huu.N mujhe yaad kiijiye

 

[Wasif Safi]

chaa.Ndanii ko rusuul kahataa huu.N
baat ko baa_usuul kahataa huu.N


jagamagaate hue sitaaro.n ko
tere pairo.n kii dhuul kahataa huu.N


jo chaman kii hayaat ko Das le
us kalii ko babuul kahataa huu.N


ittefaaqan tumhaare milane ko
zindagii kaa husuul kahataa huu.N


aap kii saa.Nvalii sii suurat ko
zauq-e-yazdaa.N kii bhuul kahataa huu.N


jab mayassar ho saaGar-o-miinaa
barq_paaro.n ko phuul kahataa huu.N

 

[Wasif Safi]

bargashtaa-e-yazdaa.N se kuchh bhuul hu_ii hai
bhaTake hue insaan se kuchh bhuul hu_ii hai


taa hadd-e-nazar shole hii shole hai.n chaman me.n
phuulo.n ke nigeh_baan se kuchh bhuul hu_ii hai


jis ahad me.n luT jaaye faqiiro.n kii kamaa_ii
us ahad ke sultaan se kuchh bhuul hu_ii hai


ha.NSate hai.n merii suurat-e-maftuu.N pe shaguufe
mere dil-e-naadaan se kuchh bhuul hu_ii hai


huuro.n kii talab aur mai-o-saaGar se hai nafrat
zaahid tere irfaan se kuchh bhuul hu_ii hai

 

[Wasif Safi]

baat phuulo.n kii sunaa karate the
ham kabhii sher kahaa karate the


mashaale.n leke tumhaare Gam kii
ham andhero.n me.n chalaa karate the


ab kahaa.N aisii tabiyat vaale
choT khaa kar jo duaa karate the


tark-e-ehasaas-e-muhabbat mushkil
haa.N magar ahal-e-vafaa karate the


bikharii bikharii zulfo.n vaale
qaafile rok liyaa karate the


aaj gulshan me.n shaguuf-e-saaGar
shikave baad-e-sabaa se karate the

 

[Wasif Safi]

azmat-e-zindagii ko bech diyaa
ham ne apanii Khushii ko bech diyaa


chashm-e-saaqii ke ik ishaare pe
umr kii tishnagi ko bech diyaa


rind jaam-o-subuu pe ha.Nsate hai.n
shaiKh ne bandagii ko bech diyaa


rah_guzaaro.n pe luT ga_ii raadhaa
shaam ne baa.Nsurii ko bech diyaa


jagamagaate hai.n vahashato.n ke dayaar
aql ne aadamii ko bech diyaa


lab-o-ruKhsaar ke ivaz ham ne
sitvat-e-Khusravii ko bech diyaa


ishq beharuupiyaa hai ai ’Sagar’
aap ne saadagii ko bech diyaa

 

[Wasif Safi]

yuu.N na rah rah kar hame.n tarasaa_iye
aa_iye, aa jaa_iye, aa jaa_iye


phir vahii daanistaa Thokar khaa_iye
phir merii aagosh me.n gir jaa_iye


[daanistaa=deliberate; aagosh=embrace]


merii duniyaa muntazir hai aap kii
apanii duniyaa chho.D kar aa jaa_iye


[muntazir=waiting]


ye havaa ’Sagar’ ye halkii chaa.Ndanii
jii me.n aataa hai yahii.n mar jaa_iye

 

[Wasif Safi]

kaafir gesuu vaalo.n kii raat basar yuu.N hotii hai
husn hifaazat karataa hai aur javaanii sotii hai


mujh me.n tujh me.n farq nahii.n mujh me.n farq hai ye
tuu duniyaa par ha.Nsataa hai duniyaa mujh par ha.Nsatii hai


sabr-o-sukuu.N do dariyaa hai.n bharate bharate bharate hai.n
taskiin dil kii baarish hai hote hote hotii hai


jiine me.n kyaa raahat thii marane me.n takliif hai kyaa
tab duniyaa kyo.n ha.Nsatii thii ab duniyaa kyo.n rotii hai


dil ko to tashKhiish hu_ii chaaraagaro.n se puuchhuu.Ngaa
dil jab dhak-dhak karataa hai vo haalat kyaa hotii hai


raat ke aa.Nsuu ai ’Sagar’ phuulo.n se bhar jaate hai.n
subah-e-chaman is paanii se kaliyo.n kaa muu.Nh dhotii hai

 

[Wasif Safi]

hairat se tak rahaa hai jahaan-e-vafaa mujhe
tum ne banaa diyaa hai mohabbat me.n kyaa mujhe


har manzil-e-hayaat se gum kar gayaa mujhe
mu.D mu.D ke raah me.n vo teraa dekhanaa mujhe


kaif-e-Khudii ne mauj ko kashtii banaa diyaa
hosh-e-Khudaa hai ab na Gam-e-naaKhudaa mujhe


saaqii bane huye hai.n vo ’Sagar’ shab-e-visaal
is vaqt ko_ii meri kasam dekhataa mujhe

 

[Wasif Safi]

haadase kyaa kyaa tumhaarii beruKhii se ho gaye
saarii duniyaa ke liye ham ajanabii se ho gaye


[haadasaa=incident]


gardish-e-dauraa.N, zamaane kii nazar, aa.Nkho.n kii niind
kitane dushman ek rasm-e-dostii se ho gaye


[gardish-e-dauraa.N=passage of time]


kuchh tumhaarii gesuuo.n kii barahamii ne kar diyaa
kuchh a.Ndhere mere ghar me.n raushanii se ho gaye


[gesuu=hair; barahamii=scattering]


yuu.N to ham aagaah the saiyaad kii tadbiir se
ham asiir-e-daam-e-gul apanii Khudii se ho gaye


[aagaah=alert; saiyaad=hunter; tadbiir=plans]
[asiir=prisoner; Khudii=own ego]


har qadam "Sagar" nazar aane lagii hai.n ma.nzile.n
marhale tay merii kuchh aavaaragii se ho gaye


[marhale=destinations; aavaaragii=wanderlust]

 

[Wasif Safi]

ek shaam kisii bazm me.n juute jo kho gaye
ham ne kahaa bataa_iiye ghar kaise jaaye.nge
kahane lage ke sher sunaate raho yuu.N hii
ginate nahii.n banenge abhii itane aaye.nge

 

[Wasif Safi]

ek roz ham se kahane lagii ek gul_badan
ainak se baa.Ndh rakhii hai kyo.n aap ne rasan
milataa hai kyaa isii se ye andaaz-e-fikr-o-fan
ham ne kahaa ki aisaa nahii.n hai janaab-e-man
baiThe jahaa.N hasiin ho.n ek bazm-e-aam me.n
rakhate hai.n ham nigaah koapanii lagaam me.n

 

[Wasif Safi]

maanaa ke un ke nezo.n pe ab sar nahii.n ko_ii
kyaa un ke aastiin me.n bhii Khanjar nahii.n ko_ii


majabuuriyo.n ne ghar se nikalane na diyaa
duniyaa samajh rahii hai meraa ghar nahii.n ko_ii


ab kyaa kare.nge ham naye suurajkii roshanii
jab dekhane ke vaaste manzar nahii.n ko_ii


dil ho rahaa hai der se Khaamosh jhiil saa
kyaa dosto.n ke haath me.n patthar nahii.n ko_ii


qismat sabhii kii vaqt ke haatho.n me.n rahatii hai
is daur me.n kisii kaa muqaddar nahii.n ko_ii

 

[Wasif Safi]

kaa.NTo.n se guzar jaanaa sholo.n se nikal jaanaa
phuulo.n kii bastii me.n jaanaa to sambhal jaanaa


din apanii chiraaGo.n kii maanind guzarate hai.n
har subah ko bujh jaanaa har shaam jal jaanaa


bachcho.n hii si fitrat hai ham ahl-e-muhabbat kii
zid karanaa machal jaanaa phir Khud hii sambhal jaanaa


vo shaKhs bhalaa meraa kyaa saath nibhaayegaa
mausam kii tarah jis ne siikhaa hai badal jaanaa

 

[Wasif Safi]

dushman ko bhii siine se lagaanaa nahii.n bhuule
ham apane buzurgo.n kaa zamaanaa nahii.n bhuule


tum aa.Nkho.n kii barasaat bachaaye huye rakhanaa
kuchh log abhii aag lagaanaa nahii.n bhuule


ye baat alag haath kalam ho gaye apane
ham aap kii tasviir banaanaa nahii.n bhuule


ik umr hu_ii mai.n to ha.Nsii bhuul chukaa huu.N
tum ab bhii mere dil ko dukhanaa nahii.n bhuule