First Impression Is The Last Impression
First impression kya hai?
First impression woh khayal hai jo kisi bhi jandar or be jan cheez ko first time dekhne ki surat main hamare zehno main paida ho rha hota hai
First impression woh asar hai jo kisi bhi jandar or be jan cheez ko first time dekhne ki surat per hum per horha hota hai
First impression hamari zindagi ke tamaam shobon main boht ehmiyat rakhta hai or woh is tarha ke jab humse koi milne ata hai to hum us se baat bad main karte hain lekin dekhte pehle hain or phir sochte bhi hain ke baat karen ya na karen yani Ankh or Dimagh apna kaam Zuban se pehle hi kar rhe hote hain
or insan ki yeh fitrat hai ke Ankh or Dimagh per Zuban se zyada aitbaar kar rha hota hai mean jo woh dekh raha hota hai ussi ko hi such samjh raha hota hai or jo woh soch raha hota hai ussi ko hi sahi keh raha hota hai lekin samne wale ki zuban per woh itna yaqin nahi karta chahen uski baat iske khilaf hi kyun na ho jo woh dekh or soch raha hota hai
or first impression ko hum last impression bhi isi wajah se hi keh rahe hote hain ke jo kuch hum kisi bhi shaks ke bare main first time main jaan chuke hote hain hum ussi per hi yaqin kar rahe hote hain chahen baad main uska amal or uski activities hamari thinking ke mukhalif hi kyun na jaa rahi hoti hon lekin uske bawajod bhi first impression ka asar hum per mojod hi rehta hai
first impression ka asar takreeban duniya ke tamaam shobajaat main hi paya jata hai aap kisi job ke liye interview dene jate hain to interview lene wala pehle apka huliya dekhta hai phir apko bethne ka moqa deta hai lekin aap ussi interview main maile kuchele kapre pehen ker chale jain or apke baal ek dam straight khare hon or asman ki tarf ishara kar rhe hon to mera khayal hai interview lene wale se apka saamna bad main hona hai chokidaar ne apko gate se hi farigh kr dena hai
iske ilava woh log jo karobari nature ke malik hote hain or kisi na kisi karobar se munsalik hote hain
unke karobari muamlaat main bhi first impression boht zyada ehmiyat rakh raha hota hai or agar woh kisi shaks se ek arse tak kamiyaab dealing karte arhe hote hain to uske peeche woh first impression hi hota hai jo unke sath first time dealing karne per un per asar chor gaya hota hai or wohi asar baad main musalsal dealing karne per pukhta yaqin ban gaya hota hai jo unke bharose ko unke aitmaad ko tootne hi nhi deta
lekin wohi shaks jis se itne arse dealing chalti aarhi hoti hai us shaks ka first impression hi agar aisa na hota ke uski baaton per uski maali halat per yaqin kya jasakta to kya us se musalsal or kamiyab dealings chalti arhi hoti?bilkol b nhi arhi hoti
first impression ke asar ko bayan karne ki yun to kafi sari misalen hamare saamne mojod hoti hain lekin main ek nihayat hi asan misal dena chahta hon ke hum sab ke yahan bohot saare friends mojod hain kuch se bohot achi dosti hai to kuch se kuch narazgiyan or shikwe gile bhi hain to kuch se to dosti hi khatam ho chuki hai
lekin hum sab yeh sab bhol ker jab yeh sochenge ke hamari un frnds se dosti kaise hoi thi to hamare zehno main un frnds ka woh first impression hi janam lega jo un frnds se first mulaqat main hamare zehno main paida hoa tha zahir hai hamen woh pasnd aya hoga uski baten uske khayal ya xyz kuch bhi lekin woh us shaks ka first impression hi tha ke jiski bina per hamari us shaks se dosti hogayi thi
lekin zara sochen agar ussi frnd se apki first mulaqat main hi larayi ho chuki hoti uske khayalat uski baaten uski activities pasand hi nhi ayi hoi hotin to kya apki us shaks se dosti ho chuki hoti?
well aisi boht saari examples mojod hain ke jinse hamen yeh ilm hojata hai ke insan ka pehla impression hi uska akhri impression ban ker hamare zehno main mehfoz hua hota hai lekin yeh impression bhi sirf wohi log hi note karte hain jo sirf sochne ki nahi balke behtar se behtar sochne ki salahiyat rakhte hain or first mulaqat main samne wale insan ki choti choti baton choti choti adaton se us insan ko pehchan lene ki ehliyat bhi rakhte hain saamne wali ki zubani kalami baaton per aitbaar karne ke bajai apni un thinking per yaqin kar rahe hote hain jo saamne wale shaks ko dekhne ke bad unke zehno main paida ho rahi hoti hain isi munasibat se kisi shayer ne kya khob kaha hai ke
Chehre Pe Us Ke Rang Tha Kam Aitmaad Ka
Hum Ne Bhi Aitebaar Ziyadah Nahi Kyaa..!!
@
hoorain