!!!!!!!!!!!shayari Collection!!!!!!!!!!!!!!!

[Afrasham_afi]

kya kahun tum se main ke kya hai ishq
jan ka rog hai, bala hai ishq
ishq hi ishq hai jahan dekho
sare aalam mein bhar raha hai ishq
ishq mashuq ishq aashiq hai
yani apna hi mubtala hai ishq
ishq hai tarz-o-taur ishq ke tain
kaheen banda kaheen khuda hai ishq
kon maqsad ko ishq bin pahuncha
aarzoo ishq va mudda hai ishq
koyi khvahan nahi mohabbat ka
tu kahe jins-e-narawa hai ishq
meerji zard hote jate hain
kya kaheen tum ne bhi kiya hai ishq?

 

[Afrasham_afi]

meri teri nigah mein jo lakh intazar hain
jo mere tere tan badan mein lakh dil figar hain
jo meri teri ungaliyon ke behisi se sab qalam nazar hain
jo mere tere shahar ke har ik gali mein
mere tere naqsh-e-pa ke be-nishan mazar hain
jo meri teri raat ke sitare zakhm zakhm hain
jo meri teri subah ke gulab chak chak hain
ye zakhm sare be-dava ye chak sare be-rafu
kisi pe rakh chand ke kisi pe os ka lahu
ye hain bhi ya nahi bata
ye hai ki mahaz jal hai
mere tumhare ankabut-e-vaham ka buna hua
jo hai to is ka kya karen
nahi hai to bhi kya karen
bata, bata, bata, bata

 

[Afrasham_afi]

kya khabar thi is tarah se wo juda ho jayega
khwab mein bhi us ka milana khwab sa ho jayega
zindagi thi qaid hamen kya nikaloge us se
maut jab aa jayegi to khud riha ho jayega
dost banakar us ko chaha, ye kabhi socha na tha
dosti hi dosti mein wo khuda ho jayega
us ka jalva hoga kya jisaka ke parda nur hai
jo bhi us ko dekh lega wo fida ho jayega

 

[Afrasham_afi]

kya khabar thi ke main is darja badal jaunga
tujh ko kho dunga tere gham se sambhal jaunga
ajanabi ban ke milunga main tujhe mahafil mein
tu ne chedi bhi to main baat badal jaunga
dhundh paye na jahan yaad bhi teri mujh ko
aise jangal mein kisi roz nikal jaunga
zid mein aaye hue masum se bache ke tarah
khud hi kashti ko dubone pe machal jaunga

 

[Afrasham_afi]

kya sarokar ab kisi se mujhe
vasta tha to tha tujhi se mujhe
behisi ka bhi ab nahi ehasas
kya hua teri berukhi se mujhe
maut ke aarzoo bhi kar dekhun
kya ummiden thi zindagi se mujhe
phir kisi par na aitabar aaye
yun utaro na apne jee se mujhe
tera gham bhi na ho to kya jina
kuch tasalli hai dard hi se mujhe
kar gaye kis qadar tabah ‘zia’
dushman, andaz-e-dosti se mujhe

 

[Afrasham_afi]

kya umeed kare hum un se jin ko wafa malum nahi
gham dena malum hai lekin gham ke dawa malum nahi
jin ke gali mein umr ganva di jivan bhar hairan rahe
pas bhi aake pas na aaye jan ke bhi anjan rahe
kon si aakhir ke thi hum ne aisi khata malum nahi
ae mere pagal armanon jhuthe bandhan tod bhi do
ae meri zakhmi ummidon dil ka daman chod bhi do
tum ko abhi is nagari mein jine ke saza malum nahi

 

[Afrasham_afi]

kya ye bhi zindagi hai ki rahat kabhi na ho
aisi bhi to kisi se mohabbat kabhi na ho
wada zarur karte hain aate nahi kabhi
phir ye bhi chahate hain shikayat kabhi na ho
sham-e-visal bhi ye tagaful ye berukhi
teri raza hai mujhko masarrat kabhi na ho
ahabab ne diye hain mujhe kis tarah fareb
mujhasa bhi koi sada tabiyat kabhi na ho
lab to ye kah rahe hain ke uth, badh ke choom le
aankhon ka ye ishara ke jurr’at kabhi na ho
dil chahata hai phir wohi fursat ke raat din
mujhko to tere khayal se fursat kabhi na ho

 

[Afrasham_afi]

kyon hijr ke shikave karta hai kyon dard ke rone rota hai
ab ishq kiya hai to sabr bhi kar is mein to yahi kuch hota hai
aagaz-e-musibat hota hai apne hi dil ke shararat se
aankhon mein phul khilata hai talavon mein kanten bota hai
ahabab ka shikwa kya kijiye khud zahir va batin ek nahi
lab upar upar hanste hain dil andar andar rota hai
mALLAHon ko ilzam na do tum sahil wale kya janon
ye tufan kon uthta hai ye kishti kon dubota hai
kya jane kya ye khoyega kya jane kya ye payega
mandir ka pujari jagata hai masjid ka namazi sota hai

 

[Afrasham_afi]

q zindagi ke reh mein majabur ho gae
itane hue karib ki hum dur ho gae
aisa nahi ki hamako koi bhi khushi nahi
lekin ye zindagi to koi zindagi nahi
kyon isake faisale hamen manzur ho gae
paya tumhen to hamako laga tumako kho diya
hum dil pe roe aur ye dil hum pe ro diya
palkon se kvab kyon gire kyon choor ho gae

 

[Afrasham_afi]

guzri dinon ke yaad barasati ghata lage
guzarun jo us gali se to thandi hawa lage
mehaman banke aaye kisi roz agar wo shakhs
us roz bin sajaye mera ghar saja lage
main is liye manata nahi vasl ke khushi
mere raqib ke na mujhe baddua lage
wo qahat dosti ka pada hai ki in dinon
jo muskura ke baat kare aashna lage
tark-e-vafa ke bad ye us ke ada ‘qateel’
mujhko sataye koi to us ko bura lage

 

[Afrasham_afi]

gurub-e-sham hi se khud ko yun mahasus karta hun
ki jaise ik diya hun aur hawa ke zad pe rakha hun
chamakati dhup tum apne hi daman mein na bhar lena
main sari raat pedon ke tarah barish mein bhiga hun
koi tuta hua rishta na daman se ulajh jaye
tumhare sath pahali bar bazaron mein nikala hun
ye kis aavaz ka bosa mere honton pe kanpa hai
main pichali shab sadaon ke halavat bhool baitha hun
bichad ke tum se main ne bhi koi sathi nahi dhundha
hujum-e-rahguzar mein dur tak dekho akela hun

 

[Afrasham_afi]

main kachi neend mein hun
aur apne nimkhvabida tanaffus mein utarati
chandani ke chap sunati hun
guman hai
aj bhi shayad
mere mathe pe tere lab
sitare sabat karte hain

 

[Afrasham_afi]

gulon mein rang bhare, bad-e-naubahar chale
chale bhi aao ki gulshan ka karobar chale
qaffas udas hai yaro, saba se kuch to kaho
kaheen to bahr-e-khuda aj zikr-e-yar chale
kabhi to subh tere kunj-e-lab se ho aagaz
kabhi to shab sar-e-kakul se mushkabar chale
bada hai dard ka rishta, ye dil garib sahi
tumhare naam pe aayenge gamgusar chale
jo hum pe guzri so guzri magar shab-e-hijran
hamare ashk teri aaqabat sanwar chale
huzoor-e-yar hui daftar-e-junun ke talab
girah mein leke gareban ka tar tar chale
maqam ‘faiz’ koi rah mein jacha hi nahi
jo ku-e-yar se nikle to su-e-dar chale

 

[Afrasham_afi]

gulazar-e-hast-o-bu na beganavar dekh
hai dekhane ke cheez ise bar bar dekh
aaya hai to jahan mein misal-e-sharar dekh
dam de najaye hasti-e-napayedar dekh
mana ke teri did ke qabil nahi hun main
tu mera shauq dekh mera intazar dekh
kholi hain zauq-e-did ne aankhen teri to phir
har rahaguzar mein naqsh-e-kaf-e-pay-e-yar dekh

 

[Afrasham_afi]

gulashan ke faqat phoolon se nahi kanton se bhi zinat hoti hai
jine ke liye is duniya mein gham ke bhi zarurat hoti hai
ae vaiz-e-nadan karta hai tu ek qayamat ka charcha
yahan roz nigahen milati hain yahan roz qayamat hoti hai
wo purasish-e-gam ko aaye hain kuch kah na sakun chup rah na sakun
kamosh rahun to mushkil hai kah dun to shikayat hoti hai
karana hi padega zabt-e-alam pine hi padenge yah aansu
fariyad-o-fugan se ae nadan tauhin-e-mohabbat hoti hai
jo aake ruke daman pe ‘saba’ wo ashq nahi hain pani hai
jo aansu na chalake aankhon se us ashq ke qimat hoti hai

 

[Afrasham_afi]

kheton mein kam karati hui ladakiyan
jeth ke champai dhup ne
jin ka sona badan
surmai kar diya
jin ko raton mein os aur pale ka bistar mile
din ko suraj saron par jale
ye hare laun mein
sang-e-marmar ke benchon pe baithi hui
un hansi muraton se kaheen khubasurat
kaheen mukhtalif
jin ke jude mein juhi ke kaliyan sajin
jo gulab aur bele ke khushbu liye
aur rangon ke hiddat se pagal phiren
khet mein dhup chunati hui ladakiyan bhi
nai umr ke sabz dahaliz par hain magar
aaaina tak nahi dekhatin
y gulab aur dezi ke hiddat se naashna
khushbuon ke jan lams se bekhabar
phul chunati hain lekin pahanati nahi
in ke malabus mein
tez sarson ke phoolon ke bas
un ke aankhon mein roshan kapas

 

[Afrasham_afi]

gul tera rang chura laye hain gulzaron mein
jal raha hun bhari barsat ke baucharon mein
mujh se katara ke nikal ja magar ae jan-e-haya
dil ke lau dekh raha hun tere rukhasaron mein
husn-e-begana-e-ehasas-e-jamal acha hai
gunche khilate hain to bik jate hain bazaron mein
zikr karte hain tera mujh se baunavan-e-jafa
charagar phul piro laye hain talvaron mein
zakhm chup sakate hain lekin mujhe fan ke saugaundh
gham ke daulat bhi hai shamil mere shahakaron mein
mujh ko nafarat se nahi pyar se maslub karo
main to shamil hun mohabbat ke gunahgaron mein

 

[Afrasham_afi]

gul ko mahbub mein qayas kiya
farq nikala bahot jo bas kiya
dil ne hum ko misal-e-aina
ek aalam se ru-shinas kiya
kuch nahi sujhata hamen us bin
shauq ne hum ko be-havas kiya
subah tak shama sar ko dhundhati rahi
kya patange ne iltemas kiya
aise vahashi kahan hain ae khuban
‘meer’ ko tum ne abas udas kiya

 

[Afrasham_afi]

go zara si baat par barason ke yarane gaye
lekin itna to hua kuch log pahachane gaye
garmi-e-mahafil faqat ik nara-e-mastana hai
aur wo khush hain ki is lahafil se divane gaye
main ise shoharat kahun ya apni ruswai kahun
mujhase pahale us gali mein mere afasane gaye
yun to wo meri rag-e-jan se bhi the nazadik tar
aansuon ke dhundh mein lekin na pahachane gaye
vahashaten kuch is tarah apana muqadar ho gain
hum jahan pahunche hamare sath virane gaye
ab bhi un yadon ke khushbu zehan mein mahafus hai
barha hum jin se gulazaron ko mahakane gaye
kya qayamat hai ki ‘khatir’ kushta-e-shab bhi the hum
subh jab hui to mujarim hum hi gardane gaye

 

[Afrasham_afi]

gulshan mein bahar aayi mere dil ka chaman viran
har shakh hai muskai mere dil ka chaman viran
kaliyon ne bhi khil-khil ke rituon ko sada di hai
patton ne bhi hil-hil ke shakhon ko hawa di hai
mausam pe bahar aayi mere dil ka chaman viran
gunchon se lipatati hai masti bhari purvai
har-su hai nasha chalaka mad-mast ghata chai
phoolon ne li angadai mere dil ka chaman viran
taron-si chamakati hain barakha ke hasin bunden
dulhan-si larazati hain badali mein chipi laharen
bhanvaon ne gazal gai mere dil ka chaman viran