!!!!!!!!!!!shayari Collection!!!!!!!!!!!!!!!

[Afrasham_afi]

ghar jab bana liya hai tere dar par kahe bagair
janega ab bhi tu na mera ghar kahe bagair
kahate hain, jab rahi na mujhe taqat-e-sukhan
janun kisi ke dil ki main kyunkar kahe bagair
kam us se aa pada hai ki jisaka jahan mein
leve na koi naam sitamagar kahe bagair
jee mein hi kuch nahi hai hamare vagarna hum
sar jaye ya rahe na rahen par kahe bagair
chodunga main na us but-e-kafir ka pujana
chode na khalq go mujhe kafir kahe bagair
maqsad hai naz-o-gamza wale guftagu mein kam
chalata nahi hai, dashna-o-khanjar kahe bagair
har chand ho mushahida-e-haq ke guftagu
banati nahi hai bada-o-sagar kahe bagair
bahara hun main to chahiye duna ho iltafat
sunata nahi hun baat muqarrar kahe bagair
“ghalib” na kar huzur mein tu bar-bar arz
zahir hai tera hal sab un par kahe bagair

 

[Afrasham_afi]

gile fuzul the ahad-e-vafa ke hote hue
so chup raha sitam-e-narava ke hote hue
ye qurbaton mein ajab fasale pade ki mujhe
hai aashna ke talab aashna ke hote hue
wo hilagar hain jo majaburiyan shumar karen
chirag hum ne jalayen hawa ke hote huye
na kar kisi pe bharosa ke kashtiyan dubin
khuda ke hote huye nakhuda ke hote huye
kise khabar hai ki kasa-ba-dast phirate hain
bahut se log saron par huma ke hote hue
‘faraz’ aise bhi lamhen kabhi kabhi aaye
ki dil girifta raha dilruba ke hote hue

 

[Afrasham_afi]

giriftadil hain bahut aj tere divane
khuda kare koi tere siva na pahachane
miti miti si ummiden thake thake se khayal
bujhe bujhe se nigahon mein gham ke afasane
hazar shukr ke hum ne zuban se kuch na kaha
ye aur baat ke pucha na ahal-e-duniya ne
baqadr-e-tashnalabi pursish-e-vafa na hui
chalak ke rah gaye teri nazar ke paimane
khayal aa gaya mayus rahguzaron ka
palat ke aa gaye manzil se tere divane
kahan hai tu ke tere intazar mein ae dost
tamam raat sulagte rahe dil ke virane
ummid-e-pursish-e-gam kis se kijiye ‘nasir’
jo mere dil pe guzarati hai koi kya jane

 

[Afrasham_afi]

go sab ko ba-ham sagar-o-bada to nahi tha
ye shahar udas itna ziyada to nahi tha
waiz se rah-o-rasm rahi rind se sohabat
farq in mein koi itna ziyada to nahi tha
thak kar yun hi pal bhar ke liye aankh lagi thi
so kar hi na utthen ye irada to nahi tha

 

[Afrasham_afi]

go zara si baat par barason ke yarane gaye
lekin itna to hua kuch log pahachane gaye
garmi-e-mahafil faqat ik nara-e-mastana hai
aur wo khush hain ki is lahafil se divane gaye
main ise shoharat kahun ya apni ruswai kahun
mujhase pahale us gali mein mere afasane gaye
yun to wo meri rag-e-jan se bhi the nazadik tar
aansuon ke dhundh mein lekin na pahachane gaye
vahashaten kuch is tarah apana muqadar ho gain
hum jahan pahunche hamare sath virane gaye
ab bhi un yadon ke khushbu zehan mein mahafus hai
barha hum jin se gulazaron ko mahakane gaye
kya qayamat hai ki ‘khatir’ kushta-e-shab bhi the hum
subh jab hui to mujarim hum hi gardane gaye

 

[Afrasham_afi]

gul ko mahbub mein qayas kiya
farq nikala bahot jo bas kiya
dil ne hum ko misal-e-aina
ek aalam se ru-shinas kiya
kuch nahi sujhata hamen us bin
shauq ne hum ko be-havas kiya
subah tak shama sar ko dhundhati rahi
kya patange ne iltemas kiya
aise vahashi kahan hain ae khuban
‘meer’ ko tum ne abas udas kiya

 

[Afrasham_afi]

ghar hamara, jo na rote bhi, to viran hota
bahr gar bahr na hotato bayaban hota
tangi-e-dil ka gila kya, ye wo kafir dil hai
ke agar tang na hota, to pareshan hota
bad-e-yak umr-e-wara, bar to deta bare
kash rizawan hi dar-e-yar ka daraban hota

 

[Afrasham_afi]

ghar chor ke bhi zindagi hairaniyon mein hai
shaharon ka shor dasht ke viraniyon mein hai
kitna kaha tha us se ke daman samet le
ab wo bhi mere sath pareshaniyon mein hai
laharon mein dhundhata hun main khoye huye nagin
cheharon ka aks behte huye paniyon mein hai
darta hun ye bhi waqt ke hathon se mit na jaye
halkee si jo chamak abhi peshaniyon mein hai

 

[Afrasham_afi]

gesu-e- tabadar ko aur bhi tabadar kar
hosh-o-khirad shikar kar qalb-o-nazar shikar kar
tu hai mahit-e-bekaran main zara si aabaju
ya mujhe ham-kinar kar ya mujhe be-kinar kar
main hun sadaf to tere hath mere gohar ke aabaru
main hun khazaf to tu mujhe gauhar-e-shahawar kar
nagma-e-naubahar agar mere nasib mein na ho
is dam e nim soz ko tairak-e-bahar kar
ishq bhi ho hijab mein husn bhi ho hijab mein
ya tu khud aashakar ho ya mujh ko aashakar kar
bag-e-bahisht se mujhe hukm-e-safar diya tha kyon
kar-e-jahan daraz hai ab mera intazar kar
roz-e-hisab jab pesh ho mera daftar-e-amal
aap bhi sharmasar ho, mujh ko bhi sharmsar kar

 

[Afrasham_afi]

gazab kiya, tere wade pe aitabar kiya
tamam raat qayamat ka intezar kiya
hansa hansa ke shab-e-vasl ashk-bar kiya
tasalliyan mujhe de-de ke beqarar kiya
hum aise mahv-e-nazara na the jo hosh aata
magar tumhare tagaful ne hoshiyar kiya
fasana-e-shab-e-gam un ko ek kahani thi
kuch aitabar kiya aur kuch na-aitabar kiya
ye kis ne jalva hamare sar-e-mazar kiya
ki dil se shor utha, hae! beqarar kiya
tadap phir ae dil-e-nadan, ki gair kahate hain
aakhir kuch na bani, sabr ikhtiyar kiya
bhula bhula ke jataya hai unko raz-e-nihan
chipa chipa ke mohabbat ko aashakar kiya
tumhen to vada-e-didar hum se karana tha
ye kya kiya ke jahan ko ummidavar kiya
ye dil ko tab kahan hai ke ho malandesh
unhone wada kiya hum ne aitabar kiya
na puch dil ke haqiqat magar ye kahate hain
wo beqarar rahe jisne beqarar kiya
kuch aage davar-e-mahashar se hai umeed mujhe
kuch aap ne mere kahane ka aitabar kiya

 

[Afrasham_afi]

garmi-e-shauq-e-nazzara ka asar to dekho
gul khile jate hain wo saya-e-dar to dekho
aise nadan to na the jan se guzaranevale
nasiho, rahabar-o-rahaguzar to dekho
wo to wo hain tumhen ho jayegi ulfat mujhase
ek nazar tum mera mahabub-e-nazar to dekho
wo jo ab chak gareban bhi nahi karte hain
dekhanevalo kabhi un ka jigar to dekho
daman-e-dard ko gulazar bana rakha hai
aao ek din dil-e-purakhun ka hunar to dekho
subah ke tarah jhamakata hai shab-e-gam ka ufaq
“faiz” tabindagi-e-dida-e-tar to dekho

 

[Afrasham_afi]

garaj baras pyasi dharti par phir pani de maula
chidiyon ko dana, bachon ko gudadhani de maula
do aur do ka jod hamesha char kahan hota hai
soch samajhavalon ko thodi nadani de maula
phir roshan kar zeher ka pyala chamaka nai saliben
jhuthon ke duniya mein sach ko tabani de maula
phir murat se bahar aakar charon or bikhar ja
phir mandir ko koi mira divani de maula
tere hote koi kisi ke jan ka dushman kyon ho
jinevalon ko marane ke aasani de maula

 

[Afrasham_afi]

gamon ne gher liya hai mujhe to kya gham hai
main muskura ke jiyunga teri khushi ke liye
kabhi kabhi tu mujhe yaad kar to leti hai
sukun itna sa kafi hai zindagi ke liye
ye waqt jis ne palat kar kabhi nahi dekha
ye waqt ab bhi muradon ke phal lata hai
wo mod jis ne hamen ajanabi bana dala
us ek mod pe dil ab bhi gungunata hai
fizayen rukati hain rahon par jin se hum guzri
ghatayen aj bhi jhuk kar salam karati hain
har ek shab ye suna hai falak se kuch pariyan
wafa ka chand hamare hi naam karati hain
ye mat kaho ki muhabbat se kuch nahi paya
ye mere geet mere zakhm-e-dil ke rulai
jinhen tarasati rahi anjuman ke rangini
mujh mili hai muqaddar se aisi tanhai

 

[Afrasham_afi]

gham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhegham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhe

 

[Ghazal_Ka_Chiragh]

Waah waah bohot hi khoobsurat collection @Afrasham_afi

 

[huny]

bht bht aala tmari choice achi hai

 

[Afrasham_afi]

Waah waah bohot hi khoobsurat collection @Afrasham_afi

thnk u

 

[Afrasham_afi]

bht bht aala tmari choice achi hai

thnk u

 

[*Sarlaa*]

Koi Poochey Hum Sey Ehtaraam-e-Ehad-e-Raftaa Yaaro
Wafa Par Ab Bhi Qaim Hain, Muhabbat Choor Di Hum Naii
…

 

[*Sarlaa*]

Ab Tu Apni Yaad Bhi Dilani Parhti Hai Usko
Shayad Meri Qurbat Se Ukta Gaya Hai Wo
…