iss khoobsorat samay ko agay barhatay huvay...wah ye kuch khoobsorat samaa bangaya![]()
Faryaad Karta Tha Ro Ro K Ek Shohar E Naamdaar
Hansi Rahi Hai Apni Na Ronay Pe Koyi Ikhtiyaar
jab se biyaah kar laaey haiN hum maaN k liay bahuu
rehta hai hardam jhagRa, hoti hai main main Tu Tu
KhushiyaN Humaray Mann Ki AahoN MeiN Beh GayeeN
DewaareN Sapno K Mehal KiSaari Hi Dhay GayeeN
Socha Tha Laa K Dulhan Hum Bhi Aish KareN Gay
YooN Zindagi K Mazay Hum Bhi Cash KareN Gay
Dulhan aatay hii ghar jaise maidane jang ban gaya
huyeeN amnay samnay saas bahu, jang ka bigal baj gaya
Sir Gira K HathoN Pe, Sochta Rehta HoN MaiN Yeh Aksar
Kaisa Drawana Khvaab Tha Shaadi Ka Ye Sara Chakar
saas k taanay bahu ki sari khushmizajiyoN ko khaa gay
waah ri aroos e nou! humaray marnay k din aa gay
Kaisay Kaisay Khvaab Thay Jo Saray Madham PaR Gay
YooN Giray Asmaan Se kay Khajoor MeiN ARR Gay
Kiya yehi woh khvab hain khoon e dil se jin ko seencha tha kabhi
kitni bhiyanak tabeer mili, weraan ki jis ne meri zindagi
So Gay Umeed K Ghunchay YooN Mout Ki Aghoosh MeiN
Na Karna Shadi! Na Karna Shadi! Chilata HoN Aa Kar Hosh MeiN
Nizaam e Ghar Ko Bhak Se URaa DeiN Gay Yeh Aik Din
Beej JhagRay K Jo Saas Bahuu Ne Mil K Boay HaiN
Yeh Jurat Na Thi Kabhi Dosto Talatum-Khez MoujoN MeiN
Safeenay Humaray To Saas Bahuu Ney Mil K Dabooay HaiN
takraar e saas bahuu se goonjtay haiN ghar k dar o dewaar
doR kar aa jatay haiN sabhi, jab bhi koyi zor se chilaaey
jhanktay haiN khiRhkiyoN se chatoN se saray hi hamsaaey
tamasha dekheiN muft mein k humsaey to hotay haiN maaN jaey
Ay Waaez! Na Draao Hum Ko Tum Ab Kisi Bhi Jahanum Se
K Uss Jahanum Ki Har Ek Soorat Humaray Ghar MeiN Hai
Suna Tha Kay Mard To Hota Hai Ourat K Sar Ka Taaj
Apna Maqaam To Dosto Ghar K Bahir Dar MeiN Hai
Subah Jatay HaiN Shaam Ko Ghar Aatay HaiN
Mehnat Kartay HaiN Note Kama Kay Latay HaiN
Bezaar Kar Daala Ghar Ki Barbadi Nay Hum Ko
Magar Hum HaiN Kay Phir Bhi Jiay Jatay HaiN
YooNhi Chalta Rehta To Samjho Koyi Baat Bhi Thi
Halaat Sambhlne Ki Umeed Apnay Haath Bhi Thi
Beetay YooNhi Raat Din, Mausam Nay Bhi PalaTay Khaaey
Jo Kiya Tha Hum Ne, Ussay Bharnay Kay Din Aaey
Huwa YooN ...........K Chamka Phir Ek Aas Ka Taara
Ooncha Karna Tha Jis Ne JahaN MeiN Naam Humara
Matlab K Ghar MeiN Ek Nanha Sa Nounihaal Aaya
Nounihaal To Kam, YooN K Jaise Bhonchal Aaya
RaatoN Ki Neend Gayi, Din Ka Qaraar LuTaa
Umeed Ka Daman Ab To Mere HathoN Se ChuTa
Sonay Pe Ikhtiyar Tha, So Woh Bhi Hum Se Chhin Gaya
Aya Muna To Na Rahi Khabar,Kab Rat Huyi Kab Din Gaya
@Shiraz-Khan @saviou @Hoorain @Ally