Assalamu Alaykum Wrwb
doston apke samne hamari likhi poetry hazir hain
iske piche ki ek raaz pako batate hain
dar asal ham hamari pehle likhi huyi poetry jo ke pehle se hamn TM par post ki hai wohi yahan is contest me share karna chahte the........
lekin hamare ek dost ne hamse kaha k aap naya kalaam likhen aur sath hi mauzu bhi hame diye to unke hausle se hamne ye poetry likhi hai....
umeed karte hain ki unko aur apsab ko ye pasand aaye
sana ( masoom se chahat ) ye nazm apke liye
masoom_se_chahat
Ankhon me kayi khwahishen kayi khwaabon ko sameti hai wo
Har Nayee subah nayee hasraten leke uthti hai wo
Apni hi duniya me gumsum khoyee rehti hai
kabhi hasti to kabhi roti to kabhi khush hoti hai wo
dekh kar isko har koi deewana war kehta hai
mere khwabon mere khayalon ki tabeer hai wo
Sheeshe ka dil liye in pattharon ki basti me
Har ek ka zakhm liye chup chaap sehti hai wo
Na kisi ka dard kisi k liye na kisi k liye hai pyar yahan
Deta har koi zakhmon pe zakhm har ek ka tuta sansar yahan
Har koi yahan deta hai yahan taleem e masawat
Hain insano ki shakl me darinde sare,har koi khonkhwar yahan
Na bachon pe shafaqqat na badon ki izzat
Taalim to aala hai lekin aqlaq kahan
Iss bharii duniya me sab paraye hain yahan
Na mera hai koi yehi kehti hai wo
Is basti se door khawabaon ki nagri me
Khwahishon ke shajr tale, Hasraton ke bagiche me
Kisi Ajnabi k intezar mein hai wo umeedwaar
Jo kare khushion ki barsat jo de dher sara pyar
Nasir duago hai uski hasrat ho puri khwab hon sache
Mile jahan ki har khushi jiski taalib hai wo