Aaj Ka Intikhaab............!!

[Kavi]

آج کا دن بھی کاٹ لیا ہے ہنستے ہنستے کاموں میں
تیرے دھیان سے بچتے بچتے شُکر ہُوا یہ شام ڈھلی​

 

[Kavi]

رکھنے والے نے عجب ڈھنگ سے رکھا ہے ہمیں
سبز ہوتے بھی نہیں شاخ سے جھڑتے بھی نہیں​

 

[Kavi]

میں وہ ہنگامہ ہوں جس کا نہیں کوئی بھی اثر
تُم وہ چُپ ہو جسے آواز کہا جاتا ہے​

 

[Kavi]

موسمِ ہجر کی نمناک اُمیدوں کی طرح
ہم نے چُپ چاپ اُسے راہ بدلتے دیکھا​

 

[Kavi]

تیری تاثیر الگ ہے کہ تیرے بارے میں
سوچتا ہوں تو کوئی زخم سا بھر جاتا ہے​

 

[Kavi]

میں نے سامانِ سفر باندھ کے پھر کھول دیا
ایک تصویر نے دیکھا مجھے الماری سے​

 

[Kavi]

تِری خوشبو ، تِری باتیں، تِرا چہرا، تِری یادیں
چُھپانے کو مِرے دل میں ہزاروں قید خانے ہیں​

 

[Kavi]

پھر دل کو ہو گئی ہے وہی راہ گزر عزیز
پھر آ گئے فریب میں ہم مدتوں کے بعد​

 

[Kavi]

میں نے دیکھا ہے تیرے ہونے سے
میری آنکھوں میں خواب رہتے ہیں​

 

[Kavi]

خاموش ہے گاؤں تِری ہجرت کے ہی دن سے
پیڑوں پہ پرندے بھی تِرے بعد نہ بولے​

 

[Kavi]

زنجیر میں الجھے ہیں کہیں وقت کے پاوں
وہ دن جو گزرنا تھا گزرتا بھی نہیں ہے​

 

[Kavi]

کُندن ہوئے ہیں‌ آگ بھی اپنی جلا کے ہم
ہم پرکسی سُنار کی مرضی نہیں چلی​