Aaj Ka Intikhaab............!!

[Kavi]

برستی بارش میں یاد رکھنا، تمہیں ستائیں گی میری آنکھیں
کِسی ولی کے مزار پر جب، دُعا کرو گے تو رو پڑو گے​

 

[Kavi]

تیری باتوں سے تو لگتا ہے کہ ہم سے پہلے
سب محبت کے اداکار ملے ہیں تجھ سے​

 

[Kavi]

ہماری نیند پوری، نہ خواب پورے ہیں
ادھورے لوگ ہیں لیکن، عذاب پُورے ہیں
​

 

[Kavi]

تم نے بس ترکِ تعلق کو غنیمت جانا
مانگنے والے میری جان تو مانگی ہوتی

​

 

[Kavi]

ایک دم ایسے دھڑکتا ہے تِرے واسطے دل
جیسے دروازہ بجاتے ہیں پریشانی میں
​

 

[Kavi]

کِسی خنجر کِسی پتھر کا تکلُف کیسا
زخم تو آپ کے لہجے سے بھی آ سکتا ہے​

 

[Kavi]

میرا گھاؤ صدقۂ شَوق تھا, سو ہرا رہا
یہ کسک نوازشِ یار تھی, سو بحال ھے​

 

[Kavi]

چاند نکلا ہے نہ خوشبو ہے نہ آواز تِری
کون کمرے سے مجھے کھینچ کے باہر لایا

​

 

[Kavi]

وہ شرارتیں ، وہ شوخیاں ، میرے عہدِ طِفل کے قہقہے
کہیں کھو گئے میرے رات دن , اسی بات کا تو ملال ہے​

 

[Kavi]

میں ہجر اور وصل کے دو مرحلوں میں ہوں
بیٹھا ہے میرے پاس وہ جانے کے بعد بھی​

 

[Kavi]

توُ کہ سیماب طبیعیت ہے تُجھے کیا معلوم
موسمِ ہجر ٹِھہر جائے تو کیا ہوتا ہے​

 

[Kavi]

اُس نے اک خاص تناسب سے محبت بانٹی
میرے حصے میں ہمیشہ ہی دلاسے آئے​

 

[Kavi]

ہے بس کہ ہر اِک اُن کے ِاِشارے میں نِشاں اور
کرتے ہیں مُحبت تو گُزرتا ہے گُماں اور
​

 

[Kavi]

میں محبت ہوں محبت نہیں مرتی یارو
یہ سمندر کبھی صحرا نہیں ہونے والا

​

 

[Kavi]

یہ تو توہینِ وفا ہے کہ تُجھے بھُول کے ہم
اپنے زخموں پہ کِسی اور سے مرہم چاہیں​

 

[Kavi]

نئے سفر میں ابھی ایک نقص باقی ہے
جو شخص ساتھ نہیں اُس کا عکس باقی ہے
​

 

[Kavi]

عجیب غم ہے کہ جس نے حنوط کر کے مجھے
سنبھال رکھا ہے اک دورِ بے یقیں کے لئے​

 

[Kavi]

میرے آنگن میں ہے وحشت کا بسیرا افضلؔ
مُجھ کو گھر کے در و دیوار سے ڈر لگتا ہے​

 

[Kavi]

کچھ اور چمکتا ہے یہ دل جیسا ستارا
کن درد کی لہروں کے حوالے ہوئے ہم ہیں​

 

[Kavi]

لائی ہے اب اُڑا کے گئے موسموں کی باس
برکھا کی رُت کا قِہر ہے اور ہم ہیں دوستو​