بتاؤ کون کہتا ہے محبت بس کہانی ہے۔۔؟مُجھے اِشتہار سی لگتی ہیں یہ محبتوں کی کہانیاں
جو کہا نہیں وہ سنُا کرو جو سُنا نہیں وہ کہا کرو
میری آنکھوں کے سیاہ حلقوں پہ ہنسنے والو
اپنے بچھڑیں تو سبھی رنگ اتر جاتے ہیں۔۔
کوزہ گر میری ایک خواہش ہےView attachment 115394
مِرے حال سے نہیں بے خبر مِرا کوزہ گر
کہ ہے شاہ رگ سے قریب تر مِرا کوزہ گر
کبھی بخش دے مِرے خد و خال کو تازگی
کبھی نوچ لے مِرے بال و پر مِرا کوزہ گر
کہیں جانِ جاں، کہیں مہرباں، کہیں راز داں
کہیں نکتہ بیں، کہیں نکتہ ور مِرا کوزہ گر
مری خوبیوں مری خامیوں سے ہے بے خبر
نہیں بے بصر ،نہیں کم نظر مرا کوزہ گر
مِرا آئنہ کبھی سنگ و خشت میں ڈھال دے
کبھی توڑ دے مجھے جوڑ کر مِرا کوزہ گر
مجھے ایسے لگتا ہے میرے جسم کی خاک کو
ابھی اور رکھے گا چاک پر مِرا کوزہ گر
مجھے راستوں کی صعوبتوں سے نہیں خطر
مِرے ساتھ ہے مِرا ہم سفر مِرا کوزہ گر
وہی زخم دے ،وہی زخمِ دل کی دوا کرے
مِرا مہرباں، مِرا چارہ گر ،مِرا کوزہ گر
ہم صبح سے یہی شعر بار بار ذہن میں پڑھ رہے۔۔کوزہ گر میری ایک خواہش ہے
مجھ میں اب دل کہیں نہ رکھنا