تمام مسلمانوں کو السلامُ علیکم
محترم چراغ بھائی میں نے حدیث پیش کی ہے اور اس حدیث کی تشریحات اکابرین امت سے پیش کی ہیں. آپ یہ تو تسلیم کر رہے ہیں کہ ان اکابر کو آپ مانتے ہیں لیکن آپ کی کی بات کو نہیں مان رہے.
آپ کی پوسٹ سے لگتا یہ ہے کہ ائمہ اربعہ رحمہ اللہ، علامہ ابن تیمیہ رحمہ اللہ، علامہ ابن قیم رحمہ اللہ، علامہ شوکانی رحمہ اللہ، علامہ سیوطی رحمہ اللہ اور علامہ قرطبی رحمہ اللہ شاید اس مسئلے کو اتنا ذیادہ نہیں سمجھ سکے جتنا آپ سمجھتے ہیں یا پھر ان تمام اکابرین سے اس مسئلے کو اور احادیث کو سمجھنے میں غلطی ہو گئی ہے جبکہ آپ اس مسئلے کو اور حدیث کو ذیادہ سمجھے ہیں.
لگتا ہے کہ آپ کو ہی بخاری اور مسلم شریف کی احادیث کا علم تھا اور باقی اکابرین کو نہیں تھا.
آپ نے جو حدیث پیش کی اس میں قرآن پڑھنے کی نفی نہیں ہے اور آپ کی اس پوسٹ سے مجھے یہ لگتا ہے کہ آپ میت کی طرف سے روزہ رکھنے یا حج کرنے کو بھی صحیح نہیں سمجھتے جبکہ احادیث میں ان کا بھی ذکر آیا ہے.
نومی بھائی مجھے سمجھ نہیں آئی کہ آپ نے اکابرین کے اختلافات کو فرقہ واریت اور انا کا مسئلہ کیسے بنا دیا.......
یہ ایک نہیں بلکہ کئی اختلافی مسائل ہیں اور ہو سکتا ہے کہ آپ ان سب مسائل کو بھی فرقہ واریت اور انا کا مسئلہ سمجھتے ہوں.
اور میں نے کب حضرت ابو ہریرہ رضی اللہ عنہ کی عظمت کا انکار کیا ہے یا میری کس پوسٹ سے آپ کو ایسا لگا.
بھائی حدیث تو میں نے پیش کی اور اس کی تشریحات بھی اکابرین سے پیش کی . کچھ اور حوالے بھی پیش خدمت ہیں.
واستدل العلماء على قراءة القرآن عند القبر أيضًا بحديث ابن عباس رضي الله عنهما قال : مَرَّ النَّبِيُّ صلى الله عليه وسلم عَلَى قَبْرَيْنِ فَقَالَ : « إِنَّهُمَا لَيُعَذَّبَانِ وَمَا يُعَذَّبَانِ مِنْ كَبِيرٍ » ثُمَّ قَالَ : « بَلَى ؛ أَمَّا أَحَدُهُمَا فَكَانَ يَسْعَى بِالنَّمِيمَةِ ، وَأَمَّا أَحَدُهُمَا فَكَانَ لاَ يَسْتَتِرُ مِنْ بَوْلِهِ » قَالَ : ثُمَّ أَخَذَ عُودًا رَطْبًا فَكَسَرَهُ بِاثْنَتَيْنِ ، ثُمَّ غَرَزَ كُلَّ وَاحِدٍ مِنْهُمَا عَلَى قَبْرٍ ، ثُمَّ قَالَ : « لَعَلَّهُ يُخَفَّفُ عَنْهُمَا مَا لَمْ يَيْبَسَا » متفق عليه .
قال الخطّابي : " فيه دليل على استحباب تلاوة الكتاب العزيز على القبور ؛ لأنه إذا كان يُرْجَى عن الميت التخفيفُ بتسبيح الشجر ، فتلاوة القرآن العظيم أكبرُ رجاءً وبركة " ا هـ .
وقال القرطبي في " التذكرة " : " وقد استدل بعض علمائنا على قراءة القرآن على القبر بحديث العسيب الرطب الذي شقّه النبي صلى الله عليه وآله وسلم باثنين ... قالوا : ويُستفاد من هذا غرس الأشجار وقراءة القرآن على القبور ، وإذا خُفِّفَ عنهم بالأشجار فكيف بقراءة الرجل المؤمن القرآن "، قال : " ولهذا استحب العلماء زيارة القبور ؛ لأن القراءة تُحْفَةُ الميت من زائره " ا هـ .
شیخ قرطبی رحمۃ اللہ تعالی علیہ فرماتے ہیں : ہمارے بعض علماء نے میت کو ثواب پہنچنے پر حدیث عسیب سے استدلال کیا ہے اور وہ یہ کہ حضور سید عالمین صلی اللہ تعالی علیہ و سلم نے ملاخطہ فرمایا کہ دو قبروں کو عذاب ہو رہا ہے تو آپ نے ایک تر شاخ منگائی اور اس کے دو ٹکڑے کیے اور ہر ایک قبر پر ٹکڑا لگا دیا اور فرمایا کہ جب تک یہ تر رہیں گی قبر والوں سے عذاب میں تخفیف ہوگی ـ
صحیح بخاری ج 3 ص 222 ، صحیح مسلم ج 3 ص 200 ، نسائی ج 4 ص 106 ، ترمذی رقم الحدیث : 70 ، ابن ماجہ رقم الحدیث : 347 - 349 ، مسند احمد ج 1 ص 35 ، صحیح ابن حبان ج 5 ص 52 ، مصنف عبد الرزاق رقم الحدیث : 6753 ، مصنف ابن ابی شیبہ ج 3 ص 375 ، البیہقی ج 1 ص 104 ـ
اور مسند ابی داؤد طیالسی میں ہے کہ آپ نے شاخ کا ایک ایک ٹکڑا ہر ایک قبر پر رکھ دیا اور فرمایا کہ جب تک یہ شاخ تر رہے گی ان کا عذاب ہاکا ہو جائے گا ـ
معالم السنن ج 1 ص 27 ، ترمذی ج 1 ص 103 ، صحیح مسلم ج 8 ص 231 - 236 ـ
علماء کہتے ہیں : یہ حدیث قبر کے پاس درخت وغیرہ لگانے کی اصل ہے اور یہ کہ جب اللہ تعالی درختوں اور شاخوں وغیرہ کی تسبیح سے عذاب میں تخفیف فرماتا ہے تو کوئی مومن قبر کے پاس اگر قرآن مجید پڑھے گا تو کیا عالم ہو گا ؟؟ ( کتاب التذکرۃ صفحہ 275، 276)
وقال النووي في " شرح مسلم " : " واستحب العلماء قراءة القرآن عند القبر لهذا الحديث ؛ لأنه إذا كان يُرجى التخفيفُ بتسبيح الجريد فتلاوة القرآن أولى ، والله أعلم " ا هـ .
اس حدیث کی بناء پہ علماء نے قبر پہ قرآن مجید پڑھنے کو مستحب کہا ہے کہ جب کھجور کی شاخ کی تسبیح سے عذاب میں تخفیف کی امید ہے تو قران مجید کی تلاوت سے بدرجہ اولیٰ امید ہے.( شرح مسلم علامہ نووی، باب کتاب الطھارۃ)
منها حديث علي بن أبي طالب رضي الله عنه وكرم وجهه عن النبي صلى الله عليه وآله وسلم قـال: « من مر على المقابر ، وقرأ {قُلْ هُوَ اللَّهُ أَحَدٌ}إحدى عشرة مرة ،ثم وهب أجره للأموات ، أُعْطِيَ من الأجر بعدد الأموات » . خرَّجه الخلاَّل في "القراءة على القبور" والسمرقندي في "فضائل قل هو الله أحد" والسِّلَفِي .
حضرت علی ابن ابی طالب کرم اللہ وجہہ الکریم بیان کرتے ہیں کہ رسول اللہ صلی اللہ تعالی علیہ و سلم نے فرمایا : جو شخص قبرستان سے گزرے اور گیارہ مرتبہ سورہ اخلاص پڑھ کر اہل قبور کو ثواب پہنچائے تو اللہ تعالی پڑھنے والے کو مردوں کی تعداد کے برابر اجر عطا فرمائے گا ـ
کنز العمال رقم الحدیث : 42596 ، احکام الجنائز ص 193 ، القراءۃ علی القبور ج ق 201 ص6, کتاب التذکرۃ صفحہ 275، 276
علامہ البانی رحمہ اللہ نے اس حدیث کو ضعیف کہا ہے.
اب یہ بات میرے لئے بلکل عجیب نہیں ہو گی کہ آپ حضرت علی رضی اللہ عنہ سے مروی اس روایت کو تو تسلیم نہ کریں لیکن علامہ البانی رحمہ اللہ کی بات کو تسلیم کر لیں کہ یہ روایت ضعیف ہے. اس روایت کا سکین میں اوپر علامہ قرطبی رحمہ اللہ کی کتاب التذکرہ کے صفحہ 276 پہ دے چکا ہوں
اور یہ بھی ہو سکتا ہے کہ بخاری اور مسلم شریف کی جو روایت میں نے بیان کی ہے اس کی تشریح آپ علامہ قرطبی رحمہ اللہ، علامہ نووی رحمہ اللہ سے ذیادہ بہتر جانتے ہوں.
شاید آپ لوگوں کا ٹائم بہت ذیادہ قیمتی ہے جو کہ میری ان پوسٹ کی وجہ سے ضائع ہو رہا ہے اس لئے میری یہ آخری پوسٹ گوارہ کر لیں اس کے لئے معذرت چاہتا ہوں اور اس پوسٹ کے بعد میں اس ٹاپک پہ کوئی اور پوسٹ نہیں کروں گا.
کیونکہ میں پہلے کہہ چکا ہوں کہ اختلافی مسئلہ ہے اور اس پہ دلائل بھی دے چکا ہوں
