Nazam Collection

[whiteros]

tum kyaa jaano lafzo.n ke aazaar kii shiddat ko
yaade.n tak socho.n kii aag me.n jalane lagatii hai.n

wah bohat khoob

 

[whiteros]

kabhii Khvaabo.n me.n milaa vo to Khayaalo.n me.n kabhii
raah chalate na milaa din ke ujaale me.n kabhii

zindagii hamase to is darjaa taGaaful na barat
ham bhii shaamil the tere chaahanevaalo.n me.n kabhii
wah wa SUUUPER GREAT

 

[Jahil]

Liya Tha Ek Waada Tum Ne Mujh Se

Hamesha Khush Hi Rehna

To Dekho.....

Dekh Lo Aker ...

Meri Aankhon Ko Dekho Tum

Yeh Kitni Shokh Lagti Hain ...

Mere Honton Ko Dekho Tum,,

Hamesha Muskurate Hain ......

Koi Bhi Ghum Agar Aye,,,

Usse Hans Ker Saha Maine...

Mere Chehre Ko Dekho Tum ,,

Hamesha Pursukon Hoga,,,,

To Soocho Gay,,,

Kya Tha Jo Maine Tumse

Woh Waada Kar Dya Pura........


Magar Ek Baat Phir Bhi Hai Jaana

Kabhi Jo Waqt Mil Jai

To Meri Shayeri Parhna

Tumhe Mehsoos To Hoga

Kahin Talkhi Bhara Jumla

Kahin Pe Sard Sa Lehja....

Kahin Pe Dard Ki Jheelein....

Kehin Lehje Ki Karwahat.....

Suno.... Main Khush To Hon ,

Lekin.......

Lahoo Har Lafz Rota Hai.....!!!

Yehi Waada Liya Tha Na...

Humesha Khush Rehna Hai...

To Dekho Dekh Lo Aaker...

Maine Waada Nibhayaa Hai...!!I
​

 

[Wasif Safi]

mai.n Khayaal huu.N kisii aur kaa mujhe sochataa ko_ii aur hai
sar-e-aa_iinaa meraa aks hai pas-e-aa_inaa ko_ii aur hai


mai.n kisii ke dast-e-talab me.n huu.N to kisii ke harf-e-duaa me.n huu.N
mai.n nasiib huu.N kisii aur kaa mujhe maa.Ngataa ko_ii aur hai


kabhii lauT aaye.N to na puuchhanaa sirf dekhanaa ba.De Gaur se
jinhe.n raaste me.n Khabar hu_ii ki ye raastaa ko_ii aur hai


ajab aitabaar-ba-aitabaarii ke daramiyaa.N hai zindagii
mai.n qariib huu.N kisii aur ke mujhe jaanataa ko_ii aur hai


vahii munsifo.n kii rivaayate.n vahii faisalo.n kii ibaarate.n
meraa jurm to ko_ii aur thaa par merii sazaa ko_ii aur hai


terii roshanii merii Khaddo-Khaal se muKhtalif to nahii.n magar
tuu qariib aa tujhe dekh luu.N tuu vahii hai yaa ko_ii aur hai


jo merii rayaazat-e-niim_shab ko "Saleem" subah na mil sakii
to phir is kii maanii to ye hue ke yahaa.N Khudaa ko_ii aur hai

 

[Wasif Safi]

subah-dam yuu.N hii fasurdaa ho gayaa
ai dil-e-naazuk tujhe kyaa ho gayaa


[fasurdaa=sad]


siinaa-e-baranat se sholaa saa uThaa
Gam-zado.n ke dil kaa naGmaa ho gayaa


[baranat=a musical instrument]


shukriyaa ai gardish-e-jaam-e-sharaab
mai.n bharii mahafil me.n tanhaa ho gayaa


[gardish-e-jaam-e-sharaab=round of drinks]


raat dil ko thaa sahar kaa i.ntazaar
ab ye Gam hai kyo.n saveraa ho gayaa


[sahar=dawn]


bujh ga_ii kuchh is tarah shama-e-"Salaam"
jaise ik biimaar achchhaa ho gayaa

 

[Wasif Safi]

bahut dino.n kii baat hai
fizaa ko yaad bhii nahii.n
ye baat aaj kii nahii.n
bahut dino.n kii baat hai


shabaab par bahaar thii
fizaa bhii Khush-gavaar thii
na jaane kyuu.N machal pa.Daa
mai.n apane ghar se chal pa.Daa
kisii ne mujh ko rok kar
ba.Dii adaa se Tok kar
kahaa thaa lauT aa_iiye
merii qasam na jaa_iiye


par mujhe Khabar na thii
maahaul par nazar na thii
na jaane kyuu.N machal pa.Daa
mai.n apane ghar se chal pa.Daa
mai.n shahar se phir aa gayaa
Khayaal thaa ke paa gayaa
use jo mujhase duur thii
magar merii zaruur thii


aur ik hasiin shaam ko
mai.n chal pa.Daa salaam ko
galii kaa rang dekh kar
na_ii tarang dekh kar
mujhe ba.Dii Khushii hu_ii
mai.n kuchh isii Khushii me.n thaa
kisii ne jhaa.Nk kar kahaa
paraaye ghar se jaa_iiye
meri qasam na aa_iiye


vahii hasiin shaam hai
bahaar jis kaa naam hai
chalaa huu.N ghar ko cho.Dakar
na jaane jaauu.Ngaa kidhar
ko_ii nahii.n jo Tok kar
ko_ii nahii.n jo rok kar
kahe ke lauT aa_iiye
merii qasam na jaa_iiye

 

[Wasif Safi]

kahane ko bahut kuchh thaa magar kah nahii.n paaye


samajhaa na meraa Gam ko_ii is baat kaa Gam hai
phir bhii mere dil kuchh to vafaao.n kii kasam hai
aa.Nkho.n me.n ho.n aa.nsuu bhii magar bah nahii.n paaye


phuulo.n se chaman aasmaa.N taaro.n se bharaa hai
ummiid kaa daaman meraa yaado.n se bharaa hai
qismat ne sitam aise kiye sah nahii.n paaye


merii qasam naa jaa_iiye…

 

[Wasif Safi]

raat kii besukuu.N Khamoshii me.n
ro rahaa huu.N ki so nahii.n sakataa
raahato.n ke mahal banaataa hai
dil jo aabaad ho nahii.n sakataa


[besukuu.N = restless; Khamoshii = silence]
[raahat = comfort]


duur shama-e-Khayaal ke maanind
shama vaadii kii jhil_milaatii hai
yaas ke beqaraa.N andhere me.n
ek umiid muskuraatii hai


[maanind = like/similar to; yaas = disappointment]
[beqaraa.N = boundless/limitless]


duur parabat ke paas char_vaahaa
kho gayaa Gam_fazaa taraano.n me.n
bain karatii hai ruuh-e-zaKhm_aaluud
baa.Nsurii kii nahiif taano.n me.n


[char_vaahaa = shepherd/goatherd]
[ruuh-e-zaKhm_aaluudaa = wounded soul; nahiif = delicate/weak]


tere jaane kaa Gam bhulaataa huu.N
tere aane kii yaad aatii hai
haaye is bebasii ke aalam me.n
kis zamaane kii yaad aatii hai


[bebasii = helplessness]


shab ko viiraan rah_guzaaro.n se
sar jhukaaye hue guzarataa huu.N
qah_qaho.n me.n qaraar khoyaa thaa
aa.Nsuo.n me.n talaash karataa huu.N


[qah_qahaa = loud laughter; talaash = search]

 

[Wasif Safi]

raah aasaan ho ga_ii hogii
jaan pahachaan ho ga_ii hogii


phir palaT kar nigaah nahii.n aa_ii
tujh pe qurabaa.N ho ga_ii hogii


terii zulfo.n ko chhe.Datii thii sabaa
Khud pareshaa.N ho ga_ii hogii


maut se tere dard_mando.n kii
mushkil aasaan ho ga_ii hogii


un se bhii chhiin loge yaad apanii
jin kaa imaan ho ga_ii hogii


dil kii taskiin puuchhate hai.n aap
haa.N merii jaan ho ga_ii hogii


marane vaalo pe ’Saif’ hairat kyo.n
maut aasaan ho ga_ii hogii

 

[Jahil]

Aankhen

Aaj Jab Shaam Ke Saaye Gehre Hone Lage
Or Maine Hasb e Mamol Diya Roshan Kiya
To Uski Madham Roshni Dekh Ker
Be Ikhtiyar Tumhari Aankhen Yad Agayin
Jin Ko Main Kabhi Musalsal Na Dekh Pata
Or Kabhi Ghor Se Tumhari Aankhen Dekhta
To Phir Duniya Ki Chamak Damak Manind Par Jati
Tumhari Aankhon Ka Sunehra Rang..
Shaam Ke Dhundlake Main Gehra Sa Hojata
Or Sunehri Khuwab Door Se Jhilmil Karte Nazar Aate
Jin Main Hoti Sirf Muhabbat Or Muhabbat
Or Mera Aks Dheere Dheere
Tumhari Aankhon Main Terta Rehta
Tumhari Aankhon Main Bhari Shab e Bedaari Ki Surkhiyan
Shaam Ki Tanhaiyan Or Raat Ke Sannaten
Mujhko Udaas Kye Rakhte
Meri Yaaden Dua Se Aanson Ban Ker
Tumhari Palkon Per Jagmagati Rehti
Kisi Gehre Samandar Ki PurSukoot Ankhen
Teh Main Iztiraab Liye
Jaane Kya Sochti Rehtin
Mujhe Dekhte Dekhte Achanak Tum Aankhen Band Kar Lete The
Or Phir Baghair Kuch Kahe Jab Aankhen Kholte
To Ek Ajeeb Si Becheni
Tumhari Aankhon Main Bolti Nazar Aati
Ek Be Mayene Si Beqarari
Tumhari Aankhon Main Qabza Karti
Kabhi Mujhe Yun Mehsos Hota
Ke Sehraaon Ki Tanhaii,Kahin Door Aftadah Jazireh Ki Khamoshi
Or Baraf Posh Waadiyon Ki Thandak
Chupke Se Tumhari Aankhon Main Utar Ayi Hai
Kabhi Yun Mehsos Hota
Ke Achanak Bohot Sare Roshan Diye,Damakte Jugno
Asmaan Ke Tamaam Sitaaren
Tumhari Aankhon Main Bhar Gaye HOn
Lekin Akhri Mulaqat Ke Waqt
Tumhari Aankhon Main Utarta Sawan
Pat Jhar Ke Saare Mousam
Aaj Bhi Meri Aankhen Nam Kiye Dete Hain
Itna Arsa Beet Jaane Ke Baad Bhi
Tumhari Aankhon Ke Muqaddas Saheefen
Meri Aankhon Main Abaad Hain
Log Jinhe Parhne Ki Koshish To Karte Hain
Lekin Ibarat Ajnabi Hai
Jo Nami Ki Dhund Main Kho Si Jati Hai..
​

 

[Wasif Safi]

qariib maut kha.Dii hai zaraa Thahar jaao
qazaa se aa.Nkh la.Dii hai zaraa Thahar jaao


[qazaa=death]


thakii thakii sii fazaaye.N bujhe bujhe taare
ba.Dii udaas gha.Dii hai zaraa Thahar jaao


nahii.n ummiid ki ham aaj kii sahar dekhe.n
ye raat ham pe ka.Dii hai zaraa Thahar jaao


abhii na jaao ki taaro.n kaa dil dha.Dakataa hai
tamaam raat pa.Dii hai zaraa Thahar jaao


phir is ke baad kabhii ham na tum ko roke.nge
labo.n pe saa.Ns a.Dii hai zaraa Thahar jaao


dam-e-firaaq me.n jii bhar ke tum ko dekh to luu.N
ye faisale kii gha.Dii hai zaraa Thahar jaao


[dam-e-firaaq=moment of separation]

 

[Wasif Safi]

is se pahale ki terii chashm-e-karam maazarat kii nigaah ban jaaye
pyaar Dhal jaaye mere ashko.n me.n aarazuu ek aah ban jaaye
mujh pe aa jaaye ishq kaa ilzaam aur tuu begunaah ban jaaye
mai.n teraa shahar chho.D jaauu.Ngaa


is se pahale ki saadagii terii lab-e-Khaamosh ko gilaa kah de
terii majabuuriyaa.N na dekh sake aur dil tujhako bevafaa kah de
jaane mai.n beKhudii me.n kyaa puuchhuu.N, jaane tuu beruKhii se kyaa kah de
mai.n teraa shahar chho.D jaauu.Ngaa


is se pahale ki tere hoTho.n se Gair hoTho.n ke jaam Takaraaye
is se pahale ke zulf ke baadal ajanabii baazuyo.n pe laharaaye
aur terii bebasii ke nazaare merii aa.Nkho.n pe aag barasaaye
mai.n teraa shahar chho.D jaauu.Ngaa


chho.D kar saahil-e-hayaat chalaa ab safiinaa meraa kahii.n Thahare
zahar piinaa meraa muqaddar hai aur tere ho.nTh dil-nashii.n Thahare
kis tarah tere aastaa.N pe rukuu.N jab na paa.Nv tale zamii.n Thahare
mai.n teraa shahar chho.D jaauu.Ngaa


mujh ko itanaa zaruur kahanaa hai vaqt-e-ruKhsat salaam se pahale
to.D luu.N rishtaa-e-nazar mai.n bhii tuu utar aaye baam se pahale
ye merii jaan meraa vaadaa hai kal kisii vaqt shaam se pahale
mai.n teraa shahar chho.D jaauu.Ngaa

 

[Wasif Safi]

merii daastaan-e-hasarat vo sunaa sunaa ke roye
mere aazamaane vaale mujhe aazamaa ke roye


[daastaan-e-hasarat=tale of desire]


ko_ii aisaa ahal-e-dil ho ke fasaanaa-e-muhabbat
mai.n use sunaa ke rouu.N vo mujhe sunaa ke roye


[ahal-e-dil=resident of the heart; fasaanaa=tale]


merii aarazuu kii duniyaa dil-e-naatavaa.N kii hasarat
jise kho ke shaadamaa.N the use aaj paa ke roye


[naatavaa.N=weak; shaadamaa.N=happy]


terii bevafaa_iyo.n par terii kaj_adaa_iyo.n par
kabhii sar jhukaa ke roye kabhii muu.Nh chhupaa ke roye


[bevafaa_ii=infidelity; kaj-adaa_ii=crudity/lack of gentility]


jo sunaa_ii anjuman me.n shab-e-Gam kii aap_biitii
ka_ii ro ke muskuraaye ka_ii muskuraa ke roye


[anjuman=gathering; aap-biitii=first hand experience]

 

[Wasif Safi]

ham ko to gardish-e-haalaat pe ronaa aayaa
rone vaale tujhe kis baat pe ronaa aayaa


kaise mar-mar ke guzaarii hai tumhe.n kyaa maaluum
raat bhar taaro.n bharii raat pe ronaa aayaa


kitane betaab the rim_jhim me.n piiyenge lekin
aa_ii barasaat to barasaat pe ronaa aayaa


kaun rotaa hai kisii aur ke Gham kii Khaatir
sab ko apanii hii kisii baat pe ronaa aayaa


’Saif’ ye din to qayaamat kii tarah guzaraa hai
jaane kyaa baat thii har baat pe ronaa aayaa

 

[Wasif Safi]

jab tere shahar se guzarataa huu.N


dil bhii karataa hai yaad chhup ke tujhe
naam letii nahii.n zubaa.N teraa


ye bhii nahii.n mujhe maaluum
kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa


terii rusvaa_iiyo.n se Darataa huu.N
jab tere shahar se guzarataa huu.N


haal-e-dil bhii na kah sakaa garche
tuu rahii muddato.n qariib mere
kuchh terii azmato.n kaa Dar bhii thaa
kuchh Khayaalaat the ajiib mere
aaKhir kaar vo gha.dii aa_ii
baar-e-dar ho gaye raqiib mere
tuu mujhe chho.D ke chalii bhii ga_ii
Khair qismat merii nasiib mere


ab mai.n kyo.n tujh se pyaar karataa huu.N
jab tere shahar se guzarataa huu.N


vo zamaanaa terii muhabbat kaa
ek bhuulii hu_ii kahaanii hai
tere kuuche me.n umr bhar na gaye
saarii duniyaa kii Khaak chhaanii hai
lazzat-e-qarb ho ke zaKhm-e-firaaq
jo bhii hai terii meharabaanii hai
kis tamannaa se tujh ko chaahaa thaa
kis muhabbat se haar maanii hai


apanii qismat pe naaz karataa huu.N
jab tere shahar se guzarataa huu.N

 

[Wasif Safi]

aaj ashko.n kaa taar TuuT gayaa
rishtaa-e-intazaar TuuT gayaa


yuu.N vo Thukaraa ke chal diye goyaa
ik khilaunaa thaa pyaar TuuT gayaa


roye rah-rah kar hich_kiyaa.N lekar
saaz-e-Gam baar baar TuuT gayaa


[saaz = musical instrument]


aap kii beruKhii kaa shikavaa kyaa
dil thaa naapaa_idaar TuuT gayaa


[naapaa_idaar = weak/delicate]


dekh lii dil ne besabaatii-e-gul
phir tilism-e-bahaar TuuT gayaa


[besabaatii-e-gul = mortality/short life span of a flower]
[tilism-e-bahaar = (magic)spell of spring]


’Saif’ kyaa chaar din kii ranjish se
itanii muddat kaa pyaar TuuT gayaa

 

[Wasif Safi]

vo subah kabhii to aayegii


in kaalii sadiyo.n ke sar se jab raat kaa aa.Nchal dhalakegaa
jab dukh ke baadal pighale.nge jab sukh kaa saagar jhalakegaa
jab ambar jhuum ke naachegaa jab dharatii naGme gaayegii


vo subah kabhii to aayegii


jis subah kii Khaatir jug jug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
in bhuukii pyaasii ruuho.n par ik din to karam faramaayegii


vo subah kabhii to aayegii


maanaa ke abhii tere mere aramaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuThe sikko.n me.n na tolii jaayegii


vo subah kabhii to aayegii


daulat ke liye jab aurat kii ismat ko naa bechaa jaayegaa
chaahat ko naa kuchalaa jaayegaa, izzat ko naa bechaa jaayegaa
apanii kaalii karatuuto.n par jab ye duniyaa sharmaayegii


vo subah kabhii to aayegii


biite.nge kabhii to din aaKhir ye bhuuk ke aur bekaarii ke
TuuTe.nge kabhii to but aaKhir daulat kii ijaaraadaarii ke
jab ek anokhii duniyaa kii buniyaad uThaaii jaayegii


vo subah kabhii to aayegii


majabuur bu.Daapaa jab suunii raaho.n kii dhuul na pha.Nkegaa
maasuum la.Dakapan jab ga.ndii galiyo.n me.n bhiik na maa.Ngegaa
haq maa.Ngane waalo.n ko jis din sulii na dikhaaii jaayegii


vo subah kabhii to aayegii


faaaqo.n kii chitaao.n par jis din insaa.N na jalaaye jaaye.nge
siine ke dahakate dozakh me.n aramaa.N na jalaaye jaaye.nge
ye narak se bhii ga.ndii duniyaa, jab swarg banaaii jaayegii


vo subah kabhii to aayegii


jis subah kii Khaatir jug jug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
vo subah na aaye aaj magar, vo subah kabhii to aayegii


vo subah kabhii to aayegii

 

[Wasif Safi]

tumhaarii mast nazar agar idhar nahii.n hotii
nashe me.n chuur fizaa is kadar nahii.n hotii


tumhii.n ko dekhane kii dil me.n aarazuue.n hai.n
tamhaare aage hii aur uu.Nchii nazar nahii.n hotii


Khafaa na honaa agar ba.D ke thaam luu.N daaman
ye dil fareb Khataa jaan kar nahii.n hotii


tumhaare aane talak ham ko hosh rahataa hai
phir usake baad hame.n kuchh Khabar nahii.n hotii

 

[Wasif Safi]

teraa Khayaal dil se miTaayaa nahii.n abhii
bedard mai.n ne tujh ko bhulaayaa nahii.n abhii


kal tuune muskuraa ke jalaayaa thaa Khud jise
siine aa vo charaaG bujhaayaa nahii.n abhii


gardaan ko aaj bhii tere baaho.n kii yaad hai
chaukhaT se terii sar ko uThaayaa nahii.n abhii


behosh hoke jald tujhe hosh aa gaayaa
mai.n badanasiib hosh me.n aayaa nahii.n abhi

 

[Wasif Safi]

ta.ng aa chuke hai.n kash-ma-kash-e-zindagii se ham
Thukaraa naa de.n jahaa.N ko kahii.n bedilii se ham


maayuusii-e-ma’al-e-mohabbat naa puuchhiye
apano.n se pesh aaye hai.n begaanagii se ham


[ma’al=consequence]


lo aaj hamane to.D diyaa rishtaa-e-ummiid
lo ab kabhii gilaa naa kare.nge kisii se ham


ubhare.nge ek baar abhii dil ke val-vale
go dab gaye hai.n baar-e-Gam-e-zindagii se ham


gar zindagii me.n mil gaye phir ittafaaq se
puuchhe.nge apanaa haal terii bebasii se ham


allaah re fareb-e-masahiiyat ke aaj tak
duniyaa ke zulm sahate rahe Khaamoshii se ham


[masahiiyat=God’s will]


ham Gam-zadaa hai.n laaye kahaa.N se Khushii ke giit
de.nge wahii jo paaye.nge is zindagii se ham